Сураў

Су́раў^[2], у верхнім цячэнні Сураўка^[2] — рака ў Клімавіцкім і Касцюковіцкім раёнах Магілёўскай вобласці Беларусі, правы прыток ракі Беседзь (басейн Дняпра).

Сураў
Характарыстыка
Даўжыня	49 км
Басейн	215 км²
Расход вады	1,1 м³/с (у вусці)
Вадацёк
Выток
• Месцазнаходжанне	каля вёскі Завідаўка
• Каардынаты	53°34′55,88″ пн. ш. 32°18′02,21″ у. д.HGЯO
Вусце	Беседзь
• Месцазнаходжанне	каля вёскі Канічы
• Вышыня	142,2[1] м
• Каардынаты	53°16′28,21″ пн. ш. 32°09′46,10″ у. д.HGЯO
Размяшчэнне
Водная сістэма	Беседзь → Сож → Дняпро → Чорнае мора
Краіна	Беларусь
Рэгіён	Магілёўская вобласць
Раёны	Клімавіцкі раён, Касцюковіцкі раён
выток вусце
— выток, — вусце

Даўжыня ракі 49^[2][3] км, 26 км з іх у Касцюковіцкім раёне^[3]. Плошча вадазбору 215 км². Сярэднегадавы расход вады ў вусці 1,1 м³/с Пачынаецца на паўночнай ускраіне вёскі Завідаўка Клімавіцкага раёна, вусце каля вёскі Фёдараўка^[1] (Канічы^[4]) Касцюковіцкага раёна. Цячэ па паўднёва-ўсходняй частцы Аршанска-Магілёўскай раўніны. У верхнім цячэнні называецца Сураўка^[2]. Даліна пераважна трапецападобная, шырынёй 0,5—1 км, месцамі да 1,5 км. Схілы ўмерана стромкія і стромкія (вышыня 5—15 м), у ніжнім цячэнні абрывістыя (вышыня да 8 м), месцамі парэзаны ярамі. Пойма перарывістая, пераважна адкрытая, чаргуецца па берагах, забалочаная, шырынёй 0,2—0,5 км. Рэчышча звілістае, свабодна меандруе, ад вытоку на працягу 8,4 км каналізаванае. Шырыня ракі ў межань 2—6 м.

Асноўны прыток — Васькаўка (левы)^[3].

Каля ракі населеныя пункты Дзямідавічы, Красная Звязда, Валынеж, Фралоўка, Пячары, Цеханічы, Заходы, Галічы, Малашкавічы, Сураў, Післяціна, Ангелаўка, Тупічына, Канічы і інш.

Зноскі

1. Ліст карты N-36-101. Выданне 1989 года. Стан мясцовасци на 1985 год. (руск.)
2. БелЭн 2002.
3. Общая характеристика речной сети Могилёвской области (в разрезе районов) // Справочник «Водные объекты Республики Беларусь» Архівавана 31 жніўня 2017. (руск.)
4. Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 21, 30. — 64 с. — 10 000 экз. — ISBN 978-985-508-173-0. (руск.)