Сушаніца

Су́шаніца^[1][2] (Gnaphalium) — род кветкавых раслін сямейства Астравыя (Asteraceae).

Сушаніца
Сушаніца багнавая (Gnaphalium uliginosum) — тыпавы від рода Сушаніца. Агульны выгляд квітнеючай расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Астравыя Трыба:  Gnaphalieae Род:  Сушаніца
Міжнародная навуковая назва
Gnaphalium L., 1753
Тыпавы від
Сушаніца багнавая (Gnaphalium uliginosum)
Сістэматыка на Віківідах Выявы на Вікісховішчы ITIS   36693 NCBI   59428 EOL   11267883 GRIN   g:5040 IPNI   126391-3

Апісанне

Сушаніца лясная (Gnaphalium sylvaticum). Батанічная ілюстрацыя Якаба Штурма з кнігі «Deutschlands Flora in Abbildungen», 1796

Аднагадовыя, двухгадовыя, шматгадовыя травяністыя расліны з лямцавым або шарсцістым апушэннем. Сцёблы прамастойныя ці прыўзнятыя, галінастыя. Лісце падоўжанае, суцэльнае, чаргаванае. Кошыкі невялікія, апушаныя, сабраныя ў шчытка-, клубочка- ці коласападобныя, вузкамяцёлачныя суквецці на верхавінках парасткаў. Плод — сямянка.

Лекавыя і дэкаратыўныя расліны.

Распаўсюджанне

50 (паводле іншых звестак 300) відаў. Пашыраны ўсюды, акрамя тропікаў. На тэрыторыі Беларусі 2 віды: сушаніца багнавая (Gnaphalium uliginosum) і сушаніца жоўта-белая (Gnaphalium lutea-album). Трапляюцца па берагах рэк, на пойменных лугах, як пустазелле.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 61. — 160 с. — 2 350 экз.
2. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.