Сушына (возера, каля вёскі Будзькаўшчына)

У паняцця ёсць і іншыя значэнні, гл. Сушына.

Су́шына^[2][3] — возера ў Полацкім раёне Віцебскай вобласці Беларусі, у басейне ракі Нача (прыток Заходняй Дзвіны), за 28 км на паўднёвы захад ад горада Полацк, каля вёскі Падазер’е.

Сушына
Морфаметрыя
Вышыня над узроўнем мора	141 м[1]
Даўжыня	1,42 км
Шырыня	1 км
Плошча	1,01 км²
Аб’ём	0,00423 км³
Найбольшая глыбіня	7,5 м
Сярэдняя глыбіня	4,2 м
Гідралогія
Салёнасць	0,235 ‰
Празрыстасць	2,6 м
Басейн
Плошча вадазбору	16,6 км²
Размяшчэнне
Краіна	Беларусь
Рэгіён	Віцебская вобласць
Сушына
Сушына

Плошча паверхні возера 1,01 км², даўжыня 1,42 км, найбольшая шырыня 1 км. Глыбіня возера дасягае 7,5 м, сярэдняя каля 4,2 м. Плошча вадазбору 16,6 км². Аб’ём вады ў возеры 4,23 млн м³. Катлавіна тэрмакарставага тыпу. Схілы катлавіны вышынёй 6—9 метраў, спадзістыя. На вышыні 0,5—1,2 м тэраса. На поўначы, паўночным усходзе і поўдні возера балота і схілы катлавіны невыразныя. Берагі нізкія, вышынёй 0,1—0,2 м, пясчаныя. Ложа возера спадзістае. Найбольшыя глыбіні каля паўночна-ўсходняга берага возера. Да глыбіні 2 м дно возера пясчанае, глыбей выслана апясчаненым глеем.
Возера Сушына эўтрофнае, слабапраточнае. Упадаюць 2 меліярацыйныя каналы. Злучана пратокамі з возерам Жураўна і ракой Нача. Сцёк па Будзькаўшчынскім канале^[2].

Прыбярэжная надводная расліннасць пашырана да глыбіні 2,5—3,5 м, падводная да глыбіні 3,5—4,5 м.

У возеры водзяцца лешч, шчупак, мянтуз, плотка, лінь, карась і іншыя віды рыб. Сустракаюцца ракі^[3].

Зноскі

1. GeoNames — 2005. Праверана 9 ліпеня 2017.

   <a href='https://wikidata.org/wiki/Track:Q830106'></a>
2. БелЭн 2002.
3. ЭПБ 1986.