Суэц

Суэ́ц^[2] (араб. السويس‎ Ас-Сувайс) — горад і буйны порт на паўночным усходзе Егіпта, размешчаны на паўночнай ускраіне Суэцкага заліва Чырвонага мора, ля паўднёвага ўваходу ў Суэцкі канал. Адміністрацыйны цэнтр губернатарства Суэц. Насельніцтва 417 000 чалавек (1998).

Горад Суэц араб. السويس‎ Краіна  Егіпет Рэгіён Мухафаза Суэц Каардынаты 29°58′ пн. ш. 32°32′ у. д.HGЯO Заснаваны 1859 Плошча 250,4 км² Вышыня цэнтра 11 ± 1 м[1] Насельніцтва 478 553 чалавек (2004) Часавы пояс UTC+2 Тэлефонны код +20 95 Афіцыйны сайт suez.gov.eg Суэц на карце Егіпта

Медыяфайлы на Вікісховішчы

Гісторыя

Паселішчы на месцы сучаснага Суэца існавалі яшчэ да нашай эры. Росквіту дасягнуў у XIII стагоддзі. Пасля заваявання Асманскай імперыяй Егіпта ў пачатку XVI стагоддзя горад быў буйной турэцкай ваеннай і гандлёвай базай^[3]. У канцы XVIII — пачатку XIX стагоддзя ў час і пасля паходаў Напалеона I Банапарта Суэц прыйшоў у заняпадак^[3].

Развіццё сучаснага Суэца звязана з адкрыццём у 1869 годзе Суэцкага канала. Горад фактычна быў разбураны ў час Суэцкага крызіса 1956 года і пакінуць жыхарамі пасля Шасцідзённай вайны 1967 года^[3]. Пасля араба-ізраільскай вайны 1973 года і паўторнага адкрыцця Суэцкага канала ў 1975 годзе пачаліся аднаўленне і рэканструкцыя горада^[3].

Эканоміка

Суэц з’яўляецца буйным міжнародным гандлёва-транзітным цэнтрам і значным прамысловым цэнтрам Егіпта. Мае дзве гавані: Порт-Ібрагім (Port Ibrahim) і Порт-Таўфі (Port Tawfiq). Асноўныя галіны прамысловасці: нафтаперапрацоўка, нафтахімія, металургія і металаперапрацоўка, вытворчасць цэменту і азотных тугнаенняў. Таксама дзейнічавюць прадпрыемствы па суднабудаванню і суднарамонту, тэкстыльнай і харчовай прамысловасці, цеплавая электрастанцыя і інш.

Насельніцтва

• 1976 год — 194 тыс. жыхароў^[4].
• 2001 год — каля 400 тыс. жыхароў^[2].
• 2010 год — 557 тыс. жыхароў^[3].

Зноскі

1. http://www.geonames.org/359796
2. БелЭн 2002.
3. Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.
4. ГЭС 1989.