Сцержань (возера)

У паняцця ёсць і іншыя значэнні, гл. Сцержань.

Сце́ржань^[2][3] — возера ў Беларусі у Чашніцкім раёне Віцебскай вобласці ў басейне ракі Свячанка, за 15 км на ўсход ад горада Чашнікі, за 2 км на паўночны ўсход ад вёскі Грыбіна.

Сцержань
Морфаметрыя
Вышыня над узроўнем мора	137,6[1] м
Даўжыня	1,8 км
Шырыня	1,42 км
Плошча	1,68 км²
Аб’ём	0,00101 км³
Даўжыня берагавой лініі	5,3 км
Найбольшая глыбіня	1,8 м
Сярэдняя глыбіня	0,6 м
Гідралогія
Тып мінералізацыі	прэснае
Салёнасць	0,3 ‰
Празрыстасць	1,8 м
Басейн
Упадаюць	рэкі Свячанка (Свяча), Рагожыца, ручаі
Выцякаюць	рака Свячанка
Размяшчэнне
Краіна	Беларусь
Рэгіён	Віцебская вобласць
Сцержань
Сцержань

Плошча паверхні возера 1,68 км². Даўжыня 1,8 км, найбольшая шырыня 1,42 км. Найбольшая глыбіня 1,8 м, сярэдняя — 0,6 м. Даўжыня берагавой лініі 5,3 км. Аб’ём вады 1,01 млн м³.
Катлавіна рэшткавага тыпу круглаватай формы. Схілы катлавіны невыразныя. Берагі сплавінныя, параслі трыснягом, асакой, хмызняком. Амаль уся плошча дна возера выслана сапрапелем. Вада празрыстая да дна. Колернасць вады 125°. Цалкам зарастае падводнай расліннасцю.
Возера эўтрофнае. Упадаюць некалькі ручаёў, меліярацыйных каналаў і рэкі Свяча (назва ракі Свячанкі да месца ўпадзення ў возера) і Рагожыца. Выцякае рака Свячанка.

У возеры водзяцца шчупак, лешч, акунь, плотка, гусцяра, краснапёрка і іншыя рыбы.