Сцяпан Антонавіч Жабінскі

У Вікіпедыі ёсць артыкулы пра іншых людзей з прозвішчам Жабінскі.

Сцяпан Антонавіч Жабінскі (1894, в. Рудаўка, Ваўкавыскі павет, Гродзенская губерня, цяпер Свіслацкі раён, Гродзенская вобласць — 1975) — рэдактар, грамадскі дзеяч.

Сцяпан Антонавіч Жабінскі
Род дзейнасці	грамадскі дзеяч, журналіст, мемуарыст, палітычны актывіст
Дата нараджэння	1894
Месца нараджэння	Рудаўка, Ваўкавыскі павет, Гродзенская губерня, Літоўскае генерал-губернатарства, Расійская імперыя
Дата смерці	1975
Грамадзянства	Беларуская ССР
Месца працы	Звязда
Альма-матар	Свіслацкая настаўніцкая семінарыя
Партыя	Беларуская партыя сацыялістаў-рэвалюцыянераў Камуністычная партыя Заходняй Беларусі
Бітвы/войны	Першая сусветная вайна
Узнагароды і прэміі
Медыяфайлы на Вікісховішчы

Жыццяпіс

Фракцыя Беларускай партыі сацыялістаў-рэвалюцыянераў Першай агульнанацыянальнай палітычнай канферэнцыі ў Празе. Другі справа сядзіць Сцяпан Жабінскі. Верасень 1921

Нарадзіўся ў сялянскай сям’і. Скончыў Свіслацкую настаўніцкую семінарыю. У 1914—1917 гадах у дзеючай Рускай імператарскай арміі. У 1920 годзе старшыня Свіслацкага валаснога рэўкама.

З 1923 года член КПЗБ. Удзельнік партызанскага руху ў Заходняй Беларусі. Арыштоўваўся польскімі ўладамі. На «працэсе 45-ці» асуджаны да 4 гадоў зняволення, вывалены 1 студзеня 1927 года. Пасля вызвалення прыняў рашэнне аб выездзе разам з сям’ёй у БССР. У канцы 1927 года быў прыняты на працу ў газету «Звязда», атрымаў пасаду загадчыка сектара замежнай інфармацыі, часам выступаў з публікацыямі на старонках газеты. У першыя дні лютага 1933 года быў пераведзены на працу ў прадстаўніцтва ЦК КПЗБ пры ЦК КПБ.

Арыштаваны 20 лістапада 1933 года ў Мінску. Асуджаны паводле пастановы калегіі АДПУ СССР 9.1.1934 года як «член контррэвалюцыйнай арганізацыі БНЦ» да 3 гадоў папраўча-працоўных лагераў. Вызвалены 11.6.1936 года.

У пасляваенны час жыў у Віцебску. Напісаў успаміны. Рэабілітаваны трыбуналам БВА 18.4.1956 года. Асабовая справа С. Жабінскага № 10182-с захоўваецца ў архіве КДБ Беларусі.

Творы

• Начало пути // Годы испытаний и мужества. Мн., 1973.

Зноскі