Сычуань

Сычуа́нь^[2] — правінцыя на паўднёвым захадзе Кітая, у басейне верхняга цячэння ракі Янцзы. Плошча 570 тыс. км². Насельніцтва каля 82 млн чал. (2009). Адміністрацыйны цэнтр — г\орад Чэнду.

Сычуань
四川, Sìchuān
Краіна	Кітай
Уваходзіць у	Кітай (1952—?)
Адміністрацыйны цэнтр	Чэнду
Дата ўтварэння	7 жніўня 1952
Кіраўнік	Хуан Цян[d]
ВУП (2004)	655,6 млрд юаней  (9-й)
Насельніцтва	▲83 674 866 чал. (2020)[1]
Плошча	485 000 км²
Часавы пояс	UTC+8
Абрэвіятура	川 ці 蜀 (Chuān ці Shǔ)
Код ISO 3166-2	CN-SC
Афіцыйны сайт
Медыяфайлы на Вікісховішчы

Усходняя частка — узгорыстая Сычуаньская катлавіна (Чырвоны басейн), акаймавана гарамі. Рэкі (Янцзы і яе прытокі) мнагаводныя, багатыя гідраэнергіяй.

Асноўны земляробчы раён — Сычуаньская катлавіна. Галоўная збожжавая культура — рыс. Вырошчваюць кукурузу, пшаніцу, ячмень, бабовыя, батат, рапс, цукровы трыснёг, чай, бавоўнік, тунг, цытрусавыя. Шаўкаводства. Гадуюць на захадзе якаў, авечак, коз, на ўсходзе буйвалаў, свіней.

Здабыча нафты, каменнай солі, каменнага вугалю, жалезнай руды, азбесту і інш. Прамысловасць: машынабудаванне, хімічная, баваўняная, харчовая; чорная і каляровая металургія. Асноўныя прамысловыя цэнтры: Чунцын, Чэнду, Цзыгун. Транспарт чыгуначны і рачны.

Вядомыя асобы

• Дэн Сяапін
• Лі Цын’юнь

Гл. таксама

• Статуя Буды ў Лэшане