Як

Як (Bos mutus^[1]) — млекакормячая жывёла роду быкоў сямейства пустарогіх. Часта вылучаюць у род Poёphagus. Дзікі як захаваўся толькі ў Тыбеце, раней трапляўся, відаць, на Алтаі і ў Саянах. Жыве на бязлесных, пустынных пласкагор’ях. Занесены ў Чырвоную кнгіу МСАП. Вышыня да 1,9 м, маса да 1 тоны. Афарбоўка чорная або цёмна-бурая. Валасяное покрыва густое, з вялікай колькасцю пуху. Ніз тулава і хвост укрыты доўгімі валасамі. У вобласці карка — горб. Ногі кароткія. Рогі ў самцоў доўгія, не вельмі тоўстыя, загнутыя ў бакі, уперад і ўверх; у самак рогі карацейшыя. Нараджае 1 цялё. Корміцца травяністай расліннасцю, якую дастае з-пад снегу. Прыручаны як драбнейшы за дзікага. Разводзяць у высакагорных раёнах Цэнтральнай Азіі. Выкарыстоўваюць малако, мяса, шэрсць. Скрыжоўваецца з буйной рагатай жывёлай, гібрыды называюць сарыкамі і хайнакамі.

Як
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Парнакапытныя Падатрад:  Жвачныя Сямейства:  Пустарогія Падсямейства:  Быкі Род:  Сапраўдныя быкі Від:  Як
Міжнародная навуковая назва
Bos mutus (Przewalski, 1883)
Сінонімы
Bos grunniens mutus (Przewalski, 1883) Poephagus grunniens mutus (Przewalski, 1883)
Арэал
Ахоўны статус
Уразлівыя IUCN 3.1 Vulnerable : / 2892
Сістэматыка на Віківідах Выявы на Вікісховішчы ITIS   898261 NCBI   72004

Зноскі

1. Беларуская энцыклапедыя: У 18 т. / Рэдкал.: Г. П. Пашкоў і інш. — Мн. : БелЭн