Сьюдад-дэль-Эстэ

Сьюдад-дэль-Эстэ (ісп.: Ciudad del Este) — другі па велічыні горад Парагвая, адміністрацыйны цэнтр дэпартамента Альта-Парана. Буйны гандлёвы цэнтр. Насельніцтва — каля 274 тысяч чалавек.

Сьюдад-дэль-Эстэ гуар.: Táva Kuarahyresẽme Сцяг Герб Краіна  Парагвай Каардынаты 25°31′00″ пд. ш. 54°37′00″ з. д.HGЯO Заснаваны 3 лютага 1957 Плошча 149 км² Вышыня цэнтра 185 м Водныя аб’екты Парана Насельніцтва 350 000 чал. (2024)[1] Часавы пояс UTC-3 Тэлефонны код 061 Паштовыя індэксы 100101 – 100185 Афіцыйны сайт mcde.gov.py Сьюдад-дэль-Эстэ на карце Парагвая

Медыяфайлы на Вікісховішчы

Горад заснаваны ў 1957 годзе на рацэ Парана на мяжы з Бразіліяй і насіў назву Пуэрта-Флор-дэ-Ліс. Пазней ён быў перайменаваны ў гонар парагвайскага прэзідэнта Альфрэда Стрэснера ў Пуэрта-Прэcідэнтэ-Стрэснер (ісп. Puerto Presidente Stroessner), а пасля яго звяржэння ў 1989 годзе атрымаў назву Сьюдад-дэль-Эстэ (Усходні горад).

Горад з’яўляецца часткай так званага «раёна трох межаў» — зоны бяспошліннага гандлю, і паколькі ён ствараўся як прыгранічны гандлёвы цэнтр, то атрымаў статус порта-франка.

Горад падзелены прамымі вуліцамі на асобныя кварталы, заселеныя па нацыянальнай прыкмеце. Асноўная частка насельніцтва азіяцкага паходжання: тайцы, карэйцы, арабы і іранцы.

Дзякуючы будаўніцтву ГЭС «Ітайпу» горад моцна разросся. У 1965 годзе праз раку Парана быў адкрыты «Мост дружбы» даўжынёй 552 метры, які злучыў Сьюдад-дэль-Эстэ з суседнім бразільскім горадам Фос-ду-Ігуасу.

Зноскі

1. https://www.macrotrends.net/global-metrics/cities/22066/ciudad-del-este/population#google_vignette