Сялец (возера)

У паняцця ёсць і іншыя значэнні, гл. Сялец.

Сяле́ц^[1][2] — возера ў Любанскім раёне Мінскай вобласці Беларусі, за 25 км на паўднёвы ўсход ад горада Любань, за 1 км на ўсход ад пасёлка Жалы. Адносіцца да басейна ракі Арэса.

Сялец
Морфаметрыя
Вышыня над узроўнем мора	135,7 м
Даўжыня	0,45 км
Шырыня	0,36 км
Плошча	0,12 км²
Даўжыня берагавой лініі	1,2 км
Размяшчэнне
Краіна	Беларусь
Рэгіён	Мінская вобласць
Сялец
Сялец

Плошча паверхні 0,12 км², даўжыня 0,45 км, шырыня 0,36 км. Даўжыня берагавой лініі 1,2 км.
Катлавіна возера круглаватай формы, з невыразнымі схіламі. Берагі пясчаныя, нізкія, параслі хмызняком. На поўначы і паўднёвым захадзе злучана з каналам Восьмы «Г» і праз яго з размешчанымі навокал вялікімі сістэмамі меліярацыйных каналаў. Зарастае істотна.

У возеры водзяцца карась, лінь, акунь, плотка, лешч, шчупак і іншыя віды рыб.