Сямён Сцяпанавіч Навумовіч

У Вікіпедыі ёсць артыкулы пра іншых людзей з прозвішчам Навумовіч.

Сямён Сцяпанавіч Навумо́віч^[2] (15 лютага 1922(1922-02-15)^[1], Копысь, Гомельская губерня^[1] — 11 кастрычніка 2003(2003-10-11)) — беларускі вучоны ў галіне траўматалогіі і артапедыі, доктар медыцынскіх навук (1973), прафесар.

Сямён Сцяпанавіч Навумовіч
Дата нараджэння	15 лютага 1922(1922-02-15)[1]
Месца нараджэння	Копысь, Горацкі павет, Гомельская губерня, РСФСР[1]
Дата смерці	11 кастрычніка 2003(2003-10-11) (81 год)
Грамадзянства	СССР  Беларусь
Род дзейнасці	навуковец
Навуковая сфера	траўматалогія і артапедыя
Месца працы	Рэспубліканскі навукова-практычны цэнтр траўматалогіі і артапедыі[d]
Навуковая ступень	доктар медыцынскіх навук (1973)
Навуковае званне	прафесар[d]
Альма-матар	Мінскі медыцынскі інстытут (1951)

Біяграфія

Нарадзіўся 15 лютага 1922 года ў Копысі Аршанскага павета Гомельскай губерні РСФСР (сучасны гарадскі пасёлак у Аршанскім раёне Віцебскай вобласці Беларусі).

У 1951 годзе скончыў Мінскі медыцынскі інстытут і пачаў працу ў Беларускім навукова-даследчым інстытуце траўматалогіі і артапедыі Міністэрства аховы здароўя БССР. У 1973 годзе абараніў доктарскую дысертацыю на тэму «Аператыўнае лячэнне нязрослых пераломаў і ілжывых суставаў шыйкі сцягна». У НДІ траўматалогіі і артапедыі С. С. Навумовіч працаваў у 1951—2001 гадах: вядучы навуковы супрацоўнік аддзялення дзіцячай артапедыі і траўматалогіі, у 1961—1967 — кіраўнік аддзела эксперыментальнага пратэзавання, 1967—1982 — клінічнага аддзела, 1982—1991 — аддзялення артапедыі)^[3].

Памёр 11 кастрычніка 2003 года^[4].

Навуковая дзейнасць

С. С. Навумовічу належаць навуковыя працы па эксперыментальным пратэзаванні, хірургічнай дапамозе пры прыроджанай і набытай паталогіі тазасцегнавога сустава, пераломах і вывіхах шыйкі сцягна, прыроджаных і сістэмных захворваннях дзіцячага ўзросту, скаліёзу і інш.

Аўтар шэрагу патэнтаў^[5].

Узнагароды

• медаль «За доблесную працу»^[4],
• ордэн «Знак Пашаны»^[4],
• ганаровая грамата Прэзідыума Вярхоўнага Савета БССР^[4],
• граматы Міністэрствы асветы БССР^[4],
• ганаровы знак «Выдатнік аховы здароўя»^[4],
• ганаровы знак «Выдатнік вынаходніцтва і рацыяналізацыі»^[4],
• ганаровы знак «Вынаходнік БССР»^[4].