Сяргей Іванавіч Верамейчык

У Вікіпедыі ёсць артыкулы пра іншых людзей з прозвішчам Верамейчык.

Сяргей Іванавіч Верамейчык (нар. 1953) — беларускі краязнавец, гісторык, мастак, архітэктар-рэстаўратар, музыкант. Спецыяліст у галіне нумізматыкі Вялікага Княства Літоўскага XIV — сярэдзіны XVI стагоддзяў^[1].

Сяргей Іванавіч Верамейчык
Дата нараджэння	1953
Род дзейнасці	краязнавец, гісторык, мастак, захавальнік твораў мастацтва, музыкант
Месца працы	Дзяржаўны музей гісторыі тэатральнай і музычнай культуры Рэспублікі Беларусь
Альма-матар	Беларускі дзяржаўны тэатральна-мастацкі інстытут (1976)

Біяграфія

Нарадзіўся ў 1953 годзе^[1].

Скончыў у 1976 годзе аддзяленне «Інтэр’ер і абсталяванне» Беларускага тэатральна-мастацкага інстытута. Працаваў архітэктарам-рэстаўратарам. Аўтар і ўдзельнік праектаў рэстаўрацыі помнікаў архітэктуры. Выехаў з Мінска ў 1979 годзе, каб працаваць на рэстаўрацыі Мірскага замка^[1].

З 1989 года ў в. Залессе Смаргонскага раёна. Працаваў настаўнікам выяўленчага мастацтва Залескай сярэдняй школе, стваральнік дзіцячай студыі малявання «Апалонік» і тэатральна-музычнай студыі «Альтранка». У 1997—2007 гадах навуковы супрацоўнік Залескага філіяла Дзяржаўнага музея гісторыі тэатральнай і музычнай культуры. Цяпер супрацоўнік фірмы «НЕФ»^[1].

Навуковая дзейнасць

Першы беларускі «агінсказнавец», які аднаўляў духоўную і матэрыяльную спадчыну Міхала Клеафаса Агінскага. Знаўца гісторыі і захавальнік сядзібы «Паўночныя Афіны» ў Залессі (Смаргонскі раён), дзякуючы якому яна датрывала да маштабнай рэканструкцыі ў 2015 годзе^[1].

Даследуе генеалагічнае дрэва роду Агінскіх, біяграфію Міхала Клеафаса Агінскага, праекты рэканструкцыі беларускіх замкаў^[1].

Бібліяграфія

• Mykolas Kleopas Oginskis (1765—1833). Vilnius, 2008.
• Міхал Клеафас Агінскі, 1765—1833: продкі, жыцце ў Залессі, нашчадкі (спроба храналогіі). Мінск, 2003; 2008.