Сяргей Аляксандравіч Дацэнка

У Вікіпедыі ёсць артыкулы пра іншых людзей з прозвішчам Дацэнка.

Сяргей Дацэнка (нар. 6 верасня 1987) — украінскі футбаліст, абаронца.

Сяргей Дацэнка
Поўнае імя	Сяргей Аляксандравіч Дацэнка
Нарадзіўся	6 верасня 1987(1987-09-06)[1] (38 гадоў) Кіеў, УССР, СССР
Грамадзянства	Украіна
Рост	187 см
Вага	80 кг
Пазіцыя	абаронца
Маладзёжныя клубы
2001—2002 Спартак-МАСТ (Бравары) 8 (0) 2002—2003 Дынама (Кіеў) 16 (0) 2003—2004 Відрадны (Кіеў) 21 (0)
Клубная кар’ера[* 1]
2004—2006 Дынама (Кіеў) 0 (0) 2004 →  Дынама-3 (Кіеў 1 (0) 2005—2006 →  ЦСКА (Кіеў) 5 (0) 2006 →  Нафком (Бравары) 9 (0) 2007—2008 Зімбру (Кішынёў) 5 (0) 2008 Княжа-2 (Шчаслівае) 18 (0) 2009 Фенікс-Ільічовец (Калініна) 19 (1) 2010 Геліяс (Харкаў) 12 (1) 2010 Дынама (Самарканд) 9 (0) 2011—2013 Палтава 65 (2) 2014 Андыжан 13 (0) 2014—2015 Тарпеда-БелАЗ (Жодзіна) 27 (0) 2016—2017 Абалонь-Бровар (Кіеў) 24 (4) 2017 Дняпро (Магілёў) 14 (1) 2018 Арсенал (Кіеў) 5 (0) 2019—2020 Джуніярс (Шпыцькы) 6 (1) 2021 Баварыя (Святапэтрыўскэ)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 студзеня 2023.

Клубная кар’ера

Выхаванец школы кіеўскага «Дынама», гуляў за розныя клубы ніжэйшых украінскіх дывізіёнаў. Выступаў таксама ў Малдове і Узбекістане.

У ліпені 2014 года падпісаў кантракт з жодзінскім «Тарпеда-БелАЗ»^[2]. На той момант асноўныя абаронцы жодзінцаў Арцём Чалядзінскі і Сяргей Сасноўскі былі траўмаваныя, таму ў цэнтры жодзінскай абароны здолеў замацавацца Дацэнка разам са сваім суайчыннікам Сяргеем Мельнікам. Заставаўся іграком асновы да канца сезону 2014.

У сезоне 2015 ужо трывала гуляў у цэнтры абароны аўтазаводцаў, часам таксама выкарыстоўваўся на пазіцыі правага абаронцы. У ліпені 2015 года падоўжыў кантракт з клубам да канца сезону 2015^[3]. З верасня 2015 года не з’яўляўся на полі з-за траўмы. У студзені 2016 года па заканчэнні кантракта пакінуў жодзінскі клуб^[4].

У лютым 2016 года вярнуўся ва Украіну, стаўшы іграком клуба «Абалонь-Бровар»^[5]. У ліпені 2017 года прыбыў на прагляд у магілёўскі «Дняпро» і ў выніку падпісаў кантракт^[6]. У складзе магіляўчан замацаваўся ў якасці асноўнага цэнтральнага абаронцы.

У студзені 2018 года пакінуў магілёўскі клуб^[7] і неўзабаве далучыўся да кіеўскага «Арсенала»^[8]. У пачатку 2019 года завяршыў кар’еру і ўвайшоў у трэнерскі штаб кіеўскага клуба, аднак пался працягваў гуляць на аматарскім узроўні за «Джуніярс» (Шпыцькы) і «Баварыю» (Святапэтрыўскэ).