Сяргей Анісімавіч Каваленка

Сяргей Анісімавіч Кавале́нка (27 лістапада 1921, вёска Ульянавічы, Сенненскі раён, Віцебская вобласць — 2 лютага 1945) — удзельнік Вялікай Айчыннай вайны, Герой Савецкага Саюза (1945).

Сяргей Анісімавіч Каваленка
Дата нараджэння	27 лістапада 1921(1921-11-27)
Месца нараджэння	Ульянавічы, Сенненскі павет, Віцебская губерня, РСФСР
Дата смерці	2 лютага 1945(1945-02-02) (23 гады)
Месца смерці	правінцыя Брандэнбург, Вольная дзяржава Прусія, Германскі рэйх
Месца пахавання	Міколін[d] Ключбарк
Грамадзянства	СССР
Прыналежнасць	СССР
Род войскаў	пяхота, партызаны
Гады службы	1940—1941, 1943—1945
Званне	радавы
Бітвы/войны	Вялікая Айчынная вайна
Узнагароды і званні

У Вікіпедыі ёсць артыкулы пра іншых людзей з прозвішчам Каваленка.

Біяграфія

С. А. Каваленка нарадзіўся ў вёсцы Ульянавічы (сучасны аграгарадок Ульянавічы ў Сенненскім раёне Віцебскай вобласці Беларусі). З 1932 г. жыў у Магілёве. Вучыўся ў чыгуначнай школе № 24. Скончыў 10 класаў школы. Працаваў змазчыкам паравоза ў чыгуначным дэпо. У 1940—1941 гг. на службе ў Чырвонай Арміі. У пачатку Вялікай Айчыннай вайны, разам з бацькам дапамог дзесяткам салдат пазбегнуць палону. Трапіў у лагер смерці, уцёк да партызан. У 1943—1944 гг. у партызанскім атрадзе на тэрыторыі Літвы. На фронце з красавіка 1944 г., радавы.

Стралок 5-й стралковай роты 299-га стралковага палка (225-я стралковая дывізія, 21-я армяя, 1-ы Украінскі фронт) С. А. Каваленка вызначыўся ў баях за расшырэнне плацдарма на рацэ Одэр на паўднёвы захад ад горада Шургаст (Германія). 1 лютага 1945 г. у вырашальны момант бою закрыў сваім целам амбразуру варожага дзота, кулямётны агонь якога перашкаджаў наступленню. Рота паднялася ў атаку і прарвала абарону праціўніка.

Узнагароды

• Медаль «Залатая Зорка»
• Ордэн Леніна

Памяць

У гонар С. А. Каваленкі названы вуліцы ў Магілёве і Сянно; у Магілёве на вуліцы яго імя ўстаноўлена мемарыяльная дошка.

Зноскі