Сяргей Мацвеевіч Светнік

У Вікіпедыі ёсць артыкулы пра іншых людзей з прозвішчам Светнік (значэнні).

Сяргей Мацвеевіч Светнік (нар. 22 чэрвеня 1969, Маладзечна, Мінская вобласць, БССР, СССР) — беларускі баскетбаліст, пазней трэнер. Гуляў на пазіцыях цяжкага форварда і цэнтравога. Выступаў за нацыянальную зборную Беларусі^[2][3]. Бацька беларускай валейбалісткі Анастасіі Светнік.

Сяргей Мацвеевіч Светнік
Нарадзіўся	22 чэрвеня 1969(1969-06-22)[1] (56 гадоў) Маладзечна, Маладзечанскі раён, Мінская вобласць, Беларуская ССР, СССР
Грамадзянства	Беларусь[1]
Клубная кар’ера[* 1]
1986—1988 РТІ 1990—1993 РТІ 1995—1996 Літкабеліс Панявежыс[d] 1996—1997 БКМ Лучанец[d] 1997 Стары Собаль[d] 1998 Гродна-93 1998—1999 Палонія Пшэмысль[d] 1999 Аўтазаводзец Мінск 1999 Гомельскія рысі 2002—2003 РТІ 2003—2004 БНТУ 2004—2007 БДЭУ-ГрандПрынт 2004—2007 Свіслач
Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў.

Біяграфія

Выступаў за беларускія клубы РТІ (1986—1988, 1990—1993), РТІ-РШВСМ (1997, у Кубку Беларусі), «Гродна-93» (1998), «Аўтазаводзец-Джэнці» (1999, у Кубку Беларусі), «Гомельскія рысі» (1999), РТІ-РВАР (2002/03), «Мінск-БНТУ» (2003/04), АЗАА (2004—2007). Таксама выступаў за клубы Расіі, Літвы, Славакіі, Польшчы, Германіі, у тым ліку за ТКЗ (Таганрог, Расія, 1994/95)^[4], «Літкабеліс» (Панявежыс, Літва, 1995/96)^[5], «Могул» (Лучанец, Славакія, 1996/97), «Палонію» (Пшэмысль, Польшча, 1998/99), «Кёльн-99» (Кёльн, Германія, 2000/01).

У 1997 годзе падчас чэмпіянату далучыўся да расійскай каманды «Стары собаль», але ў лістападзе ён пакінуў клуб, бо быў запрошаны ў нацыянальную зборную Беларусі^[6].

Выступаў за мужчынскую зборную Беларусі ў 1993—2001 гадах^[7].

У 2010—2014 гадах узначальваў жаночы клуб «Мінск-2006» / «Цмокі-Мінск»^[8]. У 2008—2010 і са студзеня 2014 года — другі трэнер жаночага клуба «Мінск-2006» / «Цмокі-Мінск» / БК «Мінск». Быў другім трэнерам жаночай зборнай Беларусі на чэмпіянаце свету-2014^[9].

Дасягненні

У якасці баскетбаліста

• Чэмпіён Беларусі (2): 1992/1993, 1997/1998.
• Сярэбраны прызёр чэмпіянату Беларусі (1): 2002/2003.
• Бронзавы прызёр чэмпіянату Беларусі (2): 2005/2006, 2006/2007.
• Уладальнік Кубка Беларусі (2): 1998, 1999.
• Фіналіст Кубка Беларусі (1): 2003.

У якасці трэнера

• Сярэбраны прызёр чэмпіянату Беларусі сярод жанчын (2): 2010/2011, 2012/2013.
• Бронзавы прызёр чэмпіянату Беларусі сярод жанчын (1): 2011/2012.
• Уладальнік Кубка Беларусі сярод жанчын (1): 2010.

Зноскі

1. Siarhei Svetnik // FIBA database Праверана 5 чэрвеня 2025.

   <a href='https://wikidata.org/wiki/Track:Q130293317'></a>
2. Евробаскет. Вы знали об этом?
3. 1995 European Championship for Men. 21-27 Jun. 1993
4. 7 сентября 1994 БК СТРОИТЕЛЬ — БК ТАГАНРОГ
5. SERGEI SVETNIK
6. 25-летию Баскетбольного клуба «Старый соболь» посвящается…Сезон 1997—1998 гг.
7. Serguei SVETNIK
8. Сергей Светник: «У нас строится новая команда»
9. Чемпионат мира 2014 Турция (нявызн.)(недаступная спасылка). Архівавана з першакрыніцы 15 ліпеня 2023. Праверана 13 верасня 2023.