Сяргей Пятровіч Чыгрынаў

Сяргей Пятровіч Чыгрынаў (нар. 1963, Чэрвень Мінскай вобласці) — беларускі суддзя і дзяржаўны дзеяч. Мае вучонае званне дацэнта.

Сяргей Пятровіч Чыгрынаў
Дата нараджэння	1963
Месца нараджэння	Чэрвень, Чэрвеньскі раён, Мінская вобласць, Беларуская ССР, СССР
Грамадзянства	Беларусь
Род дзейнасці	суддзя, выкладчык універсітэта
Месца працы	Акадэмія Міністэрства ўнутраных спраў Рэспублікі Беларусь
Навуковая ступень	кандыдат юрыдычных навук
Навуковае званне	дацэнт
Альма-матар	Акадэмія кіравання МУС Расіі[d]
Узнагароды

У Вікіпедыі ёсць артыкулы пра іншых людзей з прозвішчам Чыгрынаў.

Біяграфія

У 1988 годзе закончыў Мінскую вышэйшую школу МУС СССР. З 1990 года навучаўся ў ад’юнктуры Акадэміі МУС Расіі, па заканчэнні якой абараніў кандыдацкую дысертацыю.

У 1988—1990 гадах праходзіў службу на аператыўных пасадах у органах унутраных спраў горада Мінска.

З 1993 года працаваў у Акадэміі МУС Рэспублікі Беларусь на пасадах: выкладчыка, старшага выкладчыка, дацэнта, начальніка кафедры канстытуцыйнага і міжнароднага права, начальніка навукова-педагагічнага факультэта, намесніка начальніка Акадэміі МУС Рэспублікі Беларусь па выхаваўчай рабоце і кадравым забеспячэнні.

З 2005 года навучаўся ў вочнай дактарантуры Акадэміі МУС Рэспублікі Беларусь.

Са снежня 2007 года — суддзя Канстытуцыйнага Суда Рэспублікі Беларусь.

Аўтар больш як 40 навуковых публікацый у галіне канстытуцыйнага і адміністрацыйнага права.

Узнагароды

Мае вышэйшы кваліфікацыйны клас. Узнагароджаны медалём «За працоўныя заслугі» (2014)^[1].

Зноскі

1. Суддзя Канстытуцыйнага Суда Рэспублікі Беларусь Чыгрынаў Сяргей Пятровіч Архівавана 8 кастрычніка 2020.