Сяргей Трафімавіч Асапрылка

У Вікіпедыі ёсць артыкулы пра іншых людзей з прозвішчам Асапрылка.

Сяргей Трафімавіч Асапрылка (нар. 9 чэрвеня 1958, г. п. Наваельня, Гродзенская вобласць) — беларускі мастак.

Сяргей Трафімавіч Асапрылка
Дата нараджэння	9 чэрвеня 1958(1958-06-09) (67 гадоў)
Месца нараджэння	Наваельня, Дзятлаўскі раён, Гродзенская вобласць, Беларуская ССР, СССР
Грамадзянства	Беларусь
Род дзейнасці	мастак
Жанр	станковы жывапіс і партрэт
Вучоба	Мінскае мастацкае вучылішча імя А. К. Глебава (1977) Беларускі дзяржаўны тэатральна-мастацкі інстытут (1983)
Уплыў	Пётр Серапіёнавіч Крохалеў і Май Вольфавіч Данцыг
Член у	Беларускі саюз мастакоў

Біяграфія

Нарадзіўся 9 чэрвеня 1958 года ў гарадскім пасёлку Наваельня Гродзенскай вобласці. Скончыў у 1977 годзе Мінскае мастацкае вучылішча, у 1983 годзе — Беларускі тэатральна-мастацкі інстытут. Вучыўся ў П. Крохалева і М. Данцыга. Удзельнік мастацкіх выставак з 1980 года^[1].

Член Беларускага саюза мастакоў з 1996 года. 3 1997 года — старшыня праўлення Гродзенскай абласной арганізацыі Беларускага саюза мастакоў^[1].

Жыве ў г. Гродна^[1].

Творчасць

Працуе ў станковым жывапісе ў жанрах кампазіцыйнай карціны і партрэта. Асноўныя творы: кампазіцыі «Нашэсце», «Прадчуванне», «Веласіпедысты», «Аднойчы», «Рух», палотны серый «Санаты», «Без назваў», «Мінімалізмы». Творы знаходзяцца ў Музеі сучаснага выяўленчага мастацтва ў Мінску, Муніцыпальным музеі горада Сабадэль (Іспанія)^[1].