Сімас Альгімантасавіч Скіндэрыс

Сімас Скіндэрыс (літ.: Simas Skinderis, нар. 17 лютага 1981, Панявежыс, Літва) — літоўскі футбаліст, брамнік.

Сімас Скіндэрыс
Поўнае імя	Сімас Альгімантасавіч Скіндэрыс
Нарадзіўся	17 лютага 1981(1981-02-17)[1] (44 гады) Панявеж, Панявежскае гарадское самакіраванне[d], Літоўская ССР, СССР
Грамадзянства	Літва
Рост	184 см
Вага	86 кг
Пазіцыя	брамнік
Клубная кар’ера[* 1]
1997—2000 Экранас (Панявежыс) 7 (-2) 2001 Дайнава (Алітус) 16 (-18) 2001 Інкарас (Каўнас) 12 (-16) 2002—2003 Атлантас (Клайпеда) 29 (-22) 2003 Шылуце 13 (-19) 2004 Тарпеда-СКА (Мінск) 11 (-9) 2005—2006 Нафтан (Наваполацк) 15 (-26) 2007 Акжайык (Уральск) 14 2008 Ардабасы (Шымкент) 0 (0) 2008 Аліціс (Алітус) 10 2009 Таўрас (Таўраге) 10 2009—2011 Мінск 64 (-64) 2012 Белшына (Бабруйск) 17 (-21) 2013 Славія-Мазыр 13 (-19) 2014—2016 Гарадзея 29 (-27) 2017 Нявежыс (Кедайней) 15 (-16)
Нацыянальная зборная[* 2]
2002 Літва (да 21) 1 (-4)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 снежня 2018. Колькасць гульняў і галоў за нацыянальную зборную ў афіцыйных матчах

Клубная кар’ера

Гуляў у літоўскіх і казахскіх клубах. На працягу 2004—2006 гадоў гуляў у Беларусі за «Тарпеда-СКА» і «Нафтан». Пачынаючы з 2009 года выступаў за «Мінск», быў там асноўным брамнікам, гуляў з клубам у Лізе Еўропы.

У студзені 2012 года падпісаў двухгадовы кантракт з бабруйскай «Белшынай», дзе чаргаваўся на пазіцыі брамніка з Русланам Капанцовым.

У лютым 2013 года апынуўся ў мазырскай «Славіі». Быў другім брамнікам пасля Уладзіміра Гаева, але нярэдка з’яўляўся і ў стартавым складзе.

Па выніках сезону «Славія» вылецела ў Першую лігу, і Скіндэрыс у лютым 2014 года падпісаў кантракт з іншым клубам Першай лігі — «Гарадзеяй»^[2]. У сезоне 2014 быў асноўным брамнікам «цукровых». У студзені 2015 года падоўжыў кантракт з клубам^[3]. У сезоне 2015 саступіў месца асноўнага брамніка маладому Ігнату Дастанку. У снежні 2015 года падоўжыў кантракт з «Гарадзеяй» на наступны сезон^[4]. У сезоне 2016 быў другім брамнікам «Гарадзеі» пасля Паўла Часноўскага, але ніводнага разу не з’явіўся на полі, а канец сезону ўвогуле прапусціў з-за траўмы.

У студзені 2017 года па пагадненні бакоў пакінуў «Гарадзею»^[5]. Меў прапанову перайсці на трэнерскую працу ў беларускім клубе, але вырашыў вярнуцца на радзіму, дзе стаў іграком першалігавага «Нявежыса», які ўзначаліў брат Сімаса Марус. Па заканчэнні сезону 2017 пакінуў каманду.

Дасягненні

• 03 Бронзавы прызёр чэмпіянату Беларусі: 2010