Уладзімір Станіслававіч Гаеў

У Вікіпедыі ёсць артыкулы пра іншых людзей з прозвішчам Гаеў.

Уладзімір Гаеў (нар. 28 кастрычніка 1977, Мазыр) — беларускі футбаліст (брамнік) і трэнер. У цяперашні час працуе трэнерам брамнікаў клуба «Слуцк».

Уладзімір Гаеў
Поўнае імя	Уладзімір Станіслававіч Гаеў
Нарадзіўся	28 кастрычніка 1977(1977-10-28)[1][2] (47 гадоў) Мазыр, Гомельская вобласць, Беларуская ССР, СССР
Грамадзянства	Беларусь
Рост	189 см
Вага	84 кг
Пазіцыя	брамнік
Інфармацыя пра клуб
Клуб	Слуцк
Пасада	трэнер брамнікаў
Клубная кар’ера[* 1]
1995 МПКЦ-2 (Мазыр) 5 (-2) 1996—2002 Славія (Мазыр) 79 (-95) 1999—2000 →  Мазыр 5 (-5) 2001 →  Зорка-БДУ (Мінск) 10 (-5) 2003 Гомель 15 (-7) 2003—2006 Дынама (Бухарэст) 38 (-30) 2007 Чарнаморац (Адэса) 2 (-3) 2008 Шахцёр (Салігорск) 7 (-7) 2008 →  Савіт (Магілёў) 15 (-26) 2009—2010 Гомель 49 (-59) 2011—2015 Славія (Мазыр) 115 (-152)
Нацыянальная зборная[* 2]
2006—2007 Беларусь 4 (-6)
Трэнерская кар’ера
2016—2017 Славія (Мазыр) брамнікі 2018— Слуцк брамнікі
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 лютага 2024. Колькасць гульняў і галоў за нацыянальную зборную ў афіцыйных матчах

Клубная кар’ера

Выхаванец мазырскага футбола, доўгі час гуляў у мазырскай «Славіі». У 2003 годзе перайшоў у «Гомель», але ў хуткім часе быў заўважаны румынскім «Дынама». У Румыніі правёў тры сезоны, за якія паспеў выйграць шматлікія трафеі. Пасля года ў адэскім «Чарнаморцы» перайшоў у салігорскі «Шахцёр», потым гуляў у «Савіце» і «Гомелі».

У пачатку 2011 года вярнуўся ў «Славію» ў якасці асноўнага брамніка і стаў капітанам каманды. Дапамог клубу выйграць Першую лігу 2011, пазней заставаўся асноўным брамнікам клуба ў Вышэйшай лізе.

У сезоне 2013 спачатку саступаў месца ў старце Сімасу Скіндэрысу, але потым вярнуў месца ў аснове. 3 жніўня 2013 года, захаваўшы вароты ў недатыкальнасці ў матчы супраць «Тарпеда-БелАЗ» (1:0), уступіў у беларускі «Клуб сухіх брамнікаў»^[3].

Міжнародная кар’ера

У 2006—2007 гадах згуляў чатыры матчы за нацыянальную зборную Беларусі.

Трэнерская кар’ера

У пачатку 2016 года, завяршыўшы кар’еру іграка, перайшоў на пасаду трэнера брамнікаў мазырскага клуба^[4]. У студзені 2018 года было абвешчана, што Гаеў стане трэнерам брамнікаў у «Слуцку»^[5].

У студзені 2024 года падоўжыў кантракт са «Слуцкам»^[6].

Дасягненні

• 01 Чэмпіён Беларусі (3): 1996, 2000, 2003
• 02 Срэбраны прызёр чэмпіянату Беларусі: 1999
• Уладальнік Кубка Беларусі (2): 1996, 2000
• Пераможца Першай лігі чэмпіянату Беларусі (2): 2010, 2011
• 01 Чэмпіён Румыніі: 2003/2004
• 02 Срэбраны прызёр чэмпіянату Румыніі: 2004/2005
• 03 Бронзавы прызёр чэмпіянату Румыніі: 2005/2006
• Уладальнік Кубка Румыніі (2): 2004, 2005
• Уладальнік Суперкубка Румыніі: 2005
• Уваходзіць у Клуб «сухіх» варатароў.