Сінкевіцкі сельсавет

Сінке́віцкі сельсавет — адміністрацыйна-тэрытарыяльная адзінка ў складзе Лунінецкага раёна Брэсцкай вобласці Беларусі. Адміністрацыйны цэнтр — вёска Сінкевічы.

Сінкевіцкі сельсавет
Краіна	Беларусь
Уваходзіць у	Лунінецкі раён
Уключае	13 населеных пунктаў
Адміністрацыйны цэнтр	Сінкевічы
Дата ўтварэння	12 кастрычніка 1940
Насельніцтва (2019)	2 162
Часавы пояс	UTC+03:00
Код аўтам. нумароў	1

Гісторыя

Утвораны 12 кастрычніка 1940 года ў складзе Ленінскага раёна Пінскай вобласці. 20 студзеня 1960 года раён скасаваны, сельсавет далучаны да Лунінецкага раёна. На 1 студзеня 1974 года ў складзе сельсавета 5 населеных пунктаў^[1]. 10 сакавіка 2017 года ў склад Сінкевіцкага сельсавета з падпарадкавання Мікашэвіцкага гарадскога савета перададзены 7 населеных пунктаў (вёскі Ваган, Вільча, Града, Запроссе, Моршчынавічы, Пясчанікі, Сітніца)^[2].

Насельніцтва

• 1996 год — 2432 жыхары, 896 двароў: вёскі Вострава (86 двароў, 221 жыхар), Лутавень (104 двары, 289 жыхароў), Мокрава (270 двароў, 687 жыхароў), Намакрава (30 двароў, 77 жыхароў), Сінкевічы (323 двары, 886 жыхароў), Сітніцкі Двор (83 двары, 272 жыхары), хутар Хобат

Насельніцтва сельсавета паводле перапісу 2009 года (6 населеных пунктаў) — 1944 чалавекі^[3], з іх 98,1 % — беларусы, 1,6 % — рускія, 0,3 % — украінцы^[4]; паводле перапісу 2019 года (13 населеных пунктаў) — 2162 чалавекі^[5].