Тайнік сэрцападобны

Та́йнік сэрцападобны^[1] (Listéra cordáta) — від кветкавых раслін роду Тайнік (Listera) сямейства Архідныя (Orchidaceae)^[2].

Тайнік сэрцападобны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Архідныя Падсямейства:  Эпідэндравыя Трыба:  Neottieae Падтрыба:  Listerinae Род:  Тайнік Від:  Тайнік сэрцападобны
Міжнародная навуковая назва
Listera cordata (L.) R.Br., 1813
Сістэматыка на Віківідах Выявы на Вікісховішчы ITIS   894826 NCBI   669720 EOL   1137805 IPNI   645308-1 TPL   kew-134197

Батанічнае апісанне

Параўнанне будовы тайніка сэрцападобнага (В) і яйкападобнага (А). Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Тайнік сэрцападобны — шматгадовая травяністая расліна. Карэнішча паўзучае.

Лісце супраціўнае, сэрцападобнай формы. Кветкі дробныя, жоўта-зялёныя, сабраны ў шматкветкавыя суквецці, размешчаныя на канцы сцябла вышынёй 25—60 см. Плод — каробачка.

Лісце тайніка сэрцападобнага маюць сэрцападобную форму

Арэал і экалогія

Арэал — раёны з умераным кліматам Еўропы і Паўночнай Амерыкі, на поўначы сустракаецца ў тундравых раёнах Еўразіі і ў Грэнландыі. Аддае перавагу вільготным зацененым месцам, у асноўным у лясной зоне. У гарах можа расці да вышыні 2000 м (у паўднёвай частцы арэалу)^[3]. Ценевынослівая расліна, гіграфіт, алігатроф, мезатроф^[4].