Тамара Уладзіміраўна Салаўёва

Тамара Уладзіміраўна Салаўёва^[1] (руск.: Тамара Владимировна Соловьёва; нар. 5 жніўня 1935) — вучоны ў галіне тэхналогіі і абсталявання хімічнай перапрацоўкі драўніны, доктар тэхнічных навук (1998), прафесар (1999).

Тамара Уладзіміраўна Салаўёва
Дата нараджэння	5 жніўня 1935(1935-08-05) (89 гадоў)
Месца нараджэння	Гдоў, Гдоўскі раён, Пскоўская акруга[d], Ленінградская вобласць, РСФСР, СССР
Грамадзянства	СССР  Беларусь
Род дзейнасці	вучоная
Месца працы	Беларускі дзяржаўны тэхналагічны ўніверсітэт
Навуковая ступень	доктар тэхнічных навук (1998)
Навуковае званне	прафесар
Альма-матар	Ленінградская лесатэхнічная акадэмія (1958)
Узнагароды	Грамата Прэзідыума Вярхоўнага Савета БССР (1980) ганаровая грамата Нацыянальнага сходу Рэспублікі Беларусь (2000) Ганаровая грамата Міністэрства асветы БССР[d] (1985)

У Вікіпедыі ёсць артыкулы пра іншых людзей з прозвішчам Салаўёва.

Біяграфія

Нарадзілася ў горадзе Гдоў (Пскоўская вобласць Расіі). У 1958 годзе скончыла Ленінградскую лесатэхнічную акадэмію па спецыяльнасці «Тэхналогія цэлюлозна-папяровых вытворчасцей». З 1966 (1963^[1]) года працуе ў Беларускім дзяржаўным тэхналагічным універсітэце. У 1966 годзе скончыла аспірантуру па спецыяльнасці «Хімія і тэхналогія драўніны, цэлюлозы і паперы».

Навуковая і грамадская дзейнасць

Навуковыя працы распрацоўцы і даследаванні ўласцівасцяў новых кудзелістых паўфабрыкатаў для выкарыстання пры атрыманні драўнянавалакністых пліт, паперы і кардону; зніжэнне таксічнасці драўняных кампазіцыйных матэрыялаў; распрацоўка новых кампазіцый злучнага ў вытворчасці драўнянастружкавых пліт; тэхналогіі біяпаліва ў выглядзе пелет і брыкетаў на аснове драўніны розных парод і аднагадовых раслін. Аўтар 242 навуковых публікацый, 16 вучэбных дапаможнікаў, манаграфіі і 42 вынаходстваў^[2].

Падрыхтавала 7 кандыдатаў навук. Удзельнічае ў падрыхтоўцы магістраў, кандыдатаў і доктара навук^[2].

Член савета па абароне дысертацый, экспертнага савета ВАК Рэспублікі Беларусь, член Навукова-метадычнага савета вучэбна-метадычнага аб’яднання па адукацыі ў галіне лясной справы краін СНД^[2].

Узнагароды

• Медаль «За працоўныя заслугі» (2005)
• Ганаровая грамата канцэрна «Беллеспаперапрам»^[3]
• Грамата Вярхоўнага Савета БССР (1980)
• Ганаровая грамата Нацыянальнага сходу Рэспублікі Беларусь (2000)
• Грамата Міністэрства адукацыі БССР (1985)

Зноскі

1. БелЭн 2002.
2. САЛАЎЁВА Тамара Уладзіміраўна // Вікіпедыя Беларускага дзяржаўнага тэхналагічнага ўніверсітэта
3. БГТУ — 85 Архівавана 25 чэрвеня 2021. (руск.) // Сайт канцэрна «Беллеспаперапрам»