Тамаш Сапега

Тамаш Сапега (да 1598 — паміж 2 і 8 красавіка 1646, Вільня) — дзяржаўны дзеяч Вялікага Княства Літоўскага. Ваявода вендэнскі (1641—1643) і новагародскі (з 1643).

Тамаш Сапега
Тамаш Сапега. З Кодзенскай галерэі, 1709
Герб «Ліс»
Ваявода новагародскі 1643 — 1646
Папярэднік	Жыгімонт Караль Радзівіл
Пераемнік	Юрый Храптовіч
Нараджэнне	да 1598
Смерць	паміж 2 і 8 красавіка 1646 Вільня, Віленскі павет, Віленскае ваяводства, Вялікае Княства Літоўскае
Месца пахавання	Касцёл Святога Яна Хрысціцеля
Род	Сапегі
Бацька	Мікалай Сапега[1]
Маці	Раіна з Дарагастайскіх[d][1]
Жонка	Сюзана з Храптовічаў
Дзеці	няма
Адукацыя	Балонскі ўніверсітэт Падуанскі ўніверсітэт Інгальштацкі ўніверсітэт[d]
Медыяфайлы на Вікісховішчы

Біяграфія

З кодзенскай лініі магнацкага роду Сапегаў герба «Ліс», сын Мікалая і Раіны з Дарагастайскіх. Меў брата Казіміра Мікалая.

У 1617 навучаўся ў езуіцкім калегіуме ў Любліне, у 1619—1621 — у Кракаўскім універсітэце. У 1621—1625 працягваў адукацыю за мяжой — у Інгальштаце (1621), Падуі (1622), Балонні (1623) і Лёвене (1625).

Па вяртанні на радзіму быў пры двары караля і вялікага князя Жыгімонта Вазы, дзе ў 1632 страціў руку ў паядынку з Юрыем Зяновічам. Браў удзел у вайне з Маскоўскай дзяржавай на чале ўласнай гусарскай харугвы.

У 1640 абіраўся маршалкам Галоўнага Трыбунала. У красавіку 1641 атрымаў пасаду ваяводы вендэнскага, а на мяжы 1642 і 1643 — ваяводы новагародскага. Удзельнічаў у перамовах з маскоўскімі пасламі.

Ажаніўся з Сюзанай Храптовіч (шлюб да 1638), дачкой Юрыя Храптовіча, не пакінуў нашчадкаў. Пахавалі Т. Сапегу ў касцёле францысканцаў у Гальшанах^[2].

Зноскі

1. Гісторыя Сапегаў : жыццяпісы, маёнткі, фундацыі — Мн.: Віктар Хурсік, 2017. — С. 94. — 586 с. — ISBN 978-985-7025-75-6

   <a href='https://wikidata.org/wiki/Track:Q122382124'></a>
2. Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 195.