Храптовічы

Храпто́вічы, Храбто́вічы — вялікалітоўскі магнацкі род герба «Адрованж», з 2-й паловы XVIII ст. мелі графскі тытул.

Храптовічы
Герб «Адрованж»
Краіна паходжання	Вялікае Княства Літоўскае
Тытул	графы

Мелі маёнткі ў Новагародскім, Лідскім і Гарадзенскім паветах, на Валыні (XVI ст.), таксама ў Віцебскім павеце і Полацкім ваяводстве (XVII ст.), валодалі Бешанковічамі і Глыбокім (XVIII ст.).

Паходжанне

Пачынальнік роду — баярын Багдан, які жыў у сярэдзіне — 2-й пал. XV ст. Першапачаткова вызнавалі праваслаўе, у XVI ст. перайшлі ў каталіцтва. Адна галіна роду — нашчадкі Івана, сына Багдана, — карысталася прозвішчам Літавор-Храптовічы (ад мянушкі Івана), другая — нашчадкі Багдана, сына Марціна — Храптовічы-Багурынскія (ад вёскі Багурын на Валыні).

Пасля смерці ў 1891 апошняга прадстаўніка графскай галіны роду Міхала, сына Ірынея, прозвішча і тытул перайшлі да прадстаўнікоў роду Буцянёвых, якія пачалі звацца Храптовічамі-Буцянёвымі. Галіна Храптовічаў-Багурынскіх згасла на Валыні ў 1757, яе гродзенкая лінія — у 1890, лідская лінія існавала на пач. XX ст.^[1]

Найбольш вядомыя прадстаўнікі

• Мялецій Храптовіч (?—1593) — архімандрыт Кіева-Пячэрскага манастыра, епіскап уладзіміра-берасцейскі
• Юрый Храптовіч (1586—1650) — ваявода парнаўскі і новагародскі
• Яўхім Храптовіч (1729—1812) — апошні канцлер вялікі літоўскі

Галерэя

• Іканаграфія роду Храптовічаў
• 
  Мялецій Храптовіч
• 
  Юрый Храптовіч
• 
  Яўхім Храптовіч
• 
  Караліна Храптовіч (з фон Ронэ)
• 
  Рычард Дайтан  (англ.). Партрэт графа Храптовіча (1830-1840)

Зноскі

1. ЭнцВКЛ 2005.