Таццяна Мікалаеўна Скарута

Таццяна Мікалаеўна Скару́та (6 кастрычніка 1924, Тбілісі — 3 студзеня 2007) — беларуская актрыса. Заслужаны артыст Беларускай ССР (1961).

Таццяна Мікалаеўна Скарута
Дата нараджэння	6 кастрычніка 1924(1924-10-06)
Месца нараджэння	Тыфліс, Тыфліскі павет, Сацыялістычная Савецкая Рэспубліка Грузія[d], Закаўказская Савецкая Федэратыўная Сацыялістычная Рэспубліка, СССР
Дата смерці	3 студзеня 2007(2007-01-03) (82 гады)
Грамадзянства	Беларусь
Прафесія	тэатральная актрыса
Тэатр	Гомельскі абласны драматычны тэатр
Узнагароды

У Вікіпедыі ёсць артыкулы пра іншых людзей з прозвішчам Скарута.

Біяграфія

Скончыла студыю пры тэатры «Чырвоны факел» (г. Новасібірск, 1974). Працавала ў тэатрах Новасібірска, Якуцка, Златавуста. У 1956—1981 гадах у Гомельскім абласным драматычным тэатры.

Творчасць

Выканаўца роляў травесці, характарных. Акцёрскай манеры ўласціва выразнасць знешняга малюнка і дынаміка ў раскрыцці ўнутранай сутнасці персанажа, удалае выкарыстанне сцэнічнай дэталі. Сярод роляў у Гомельскім тэатры: Рыгорка («У бітве вялікай» А. Маўзона), Ермапіцкая («Рудабельская рэспубліка» паводле С. Грахоўскага), Зося («Сэрца на дапоні» паводле І. Шамякіна), Дунька («Любоў Яравая^[ru]» К. Транёва^[ru]), Клюка («Угрум-рака^[ru]» паводле В. Шышкова), Марыя Іпалітаўна, Тузікава («Мана дпя вузкага кола», «Барабаншчыца» А. Салынскага), Ефрасіння Патапаўна («Беспасажніца^[ru]» А. Астроўскага), Цвятаева («Мяшчане^[ru]» М. Горкага), Дорка («Зімовая казка^[ru]» У. Шэкспіра), Сэлія («Дурнічка^[es]» Лопэ дэ Вэгі), Канчэта («Каляды ў хаце сіньёра Куп’ела^[it]» Э. Дэ Філіпа).

Літаратура

• Лабовіч А. А. Скарута Таццяна Мікалаеўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).