Таццяна Міхайлаўна Каламійцава

Таццяна Міхайлаўна Каламійцава (2 жніўня 1914, Санкт-Пецярбург — 28 сакавіка 1994, Мінск) — савецка-беларуская дырыжор, першая жанчына-дырыжор у БССР. Народная артыстка БССР (1964)^[1].

Таццяна Каламійцава
Дата нараджэння	2 жніўня 1914(1914-08-02)
Месца нараджэння	Санкт-Пецярбург, Расійская імперыя
Дата смерці	28 сакавіка 1994(1994-03-28) (79 гадоў)
Месца смерці	Мінск, Беларусь
Грамадзянства	БССР
Род дзейнасці	дырыжорка
Месца працы	Нацыянальны акадэмічны Вялікі тэатр оперы і балета Рэспублікі Беларусь
Альма-матар	Адэская нацыянальная музычная акадэмія імя А. В. Няжданавай
Узнагароды

Біяграфія

Вучылася ў Адэскай кансерваторыі па класе дырыжыравання, пачынала свой прафесійны шлях дырыжорам-асістэнтам ў дзяржаўным сімфанічным аркестры СССР.

Таццяна Каламійцава прыбыла ў Мінск адразу пасля вызвалення горада ад акупантаў у 1944-м^[2]. Тут яе запрасілі працаваць дырыжорам у Нацыянальным акадэмічным Вялікім тэатры оперы і балета. Яна кіравала шматлікімі пастаноўкамі, у ліку якіх опера «Трубадур» (Д. Вердзі), опера «Пікавая дама», балеты «Шчаўкунок» і «Лебядзінае возера» Пятра Чайкоўскага. Яна часта дырыжыравала і прадстаўленнямі беларускіх творцаў — напрыклад, «Палымяныя сэрцы» В. Залатарова, «Выбранніца» Я. Глебава, «Алеся» (Я. Цікоцкага).^[3]

Таццяна Міхайлаўна запомнілася многім, таму што яна была першай жанчынай-дырыжорам у СССР.^[1] У Нацыянальным акадэмічным Вялікім тэатры оперы і балета да гэтага часу ідзе опера Джакама Пучыні «Мадам Батэрфляй» у пастаноўцы гэтай легендарнай жанчыны.^[2]

Тэатральныя пастаноўкі

• Оперы:^[1]
  • «Яўген Анегін» (П. Чайкоўскі)
  • «Пікавая дама» (П. Чайкоўскі)
  • «Алеся» (Я. Цікоцкі)
  • «Трубадур» (Д. Вердзі)
  • «Любоўны напой»(Г. Даніцэці)
• Балеты:^[4]
  • «Папялушка»(С. Пракоф’еў)
  • «Шчаўкунок» (П. Чайкоўскі)
  • «Лебядзінае возера» (П. Чайкоўскі)
  • «Выбранніца» (Я. Глебаў)
• Аперэты:^[4]
  • «Лятучая мыш»(І. Штраус)

Узнагароды

• Народная артыстка БССР (1964).^[1]
• Ордэн Працоўнага Чырвонага Сцяга

Зноскі

1. Белорусский балет в лицах / Ю. М. Чурко. — Минск, 1988. — C. 167—170
2. https://minsknews.by/pervoj-v-sssr-zhenshhine-dirizheru-tatyane-kolomijczevoj-2-avgusta-ispolnilos-by-105-let/ Архівавана 25 лютага 2021.
3. https://bis.nlb.by/ru/documents/128662
4. Тэатральная Беларусь : энцыклапедыя : [у 2 т.]. — Мінск, 2002. — Т. 1. — С. 432