Таццяна Міхайлаўна Яршова

У Вікіпедыі ёсць артыкулы пра іншых людзей з прозвішчам Яршова.

Таццяна Міхайлаўна Яршова (нар. 13 лістапада 1952, Рыга) — беларуская артыстка балета. Народная артыстка Беларусі (1992).

Таццяна Міхайлаўна Яршова
Дата нараджэння	13 лістапада 1952(1952-11-13) (72 гады)
Месца нараджэння	Рыга, Латвійская Савецкая Сацыялістычная Рэспубліка, СССР
Адукацыя	Рыжскае харэаграфічнае вучылішча[d] (1971)
Прафесія	балерына
Тэатр	Латвійская нацыянальная опера[d] Нацыянальны акадэмічны Вялікі тэатр оперы і балета Рэспублікі Беларусь
Узнагароды	Народны артыст Беларусі (1992)

Біяграфія

У 1971 годзе скончыла Рыжскае харэаграфічнае вучылішча (педагогі — Валянцін Бліноў  (руск.) і Марына Сізава).^[1] Пасля сканчэння вучылішча працавала ў тэатры оперы і балета Латвіі  (руск.).

З 1976 года — салістка, з 1990 года^[2] — педагог-рэпетытар Нацыянальнага акадэмічнага тэатра балета Беларусі.

Творчасць

Танцоўшчыца класічнага плана. Яе творчую індывідуальнасць вызначаюць эмацыянальная выразнасць, тонкі густ, музыкальнасць, адчуванне стылю. Сярод партый на беларускай сцэне: Адэта — Адылія, Аўрора, Маша («Лебядзінае возера», «Спячая прыгажуня», «Шчаўкунок» П. Чайкоўскага), Кармэн («Кармэн-сюіта^[ru]» Ж. Бізэ — Р. Шчадрына), Раймонда («Раймонда^[ru]» А. Глазунова), Нэле («Ціль Уленшпігель» Я. Глебава), Жызэль («Жызэль^[ru]» А. Адана), Сільфіда («Сільфіда^[ru]» Х. Левенскольда), Фрыгія («Спартак^[ru]» А. Хачатурана), Кітры («Дон Кіхот» Л. Мінкуса), Ліза («Ліза і Кален^[ru]» Ф. Герольда^[ru]), Блудніца («Карміна Бурана^[ru]» на музыку К. Орфа), Дзева-выбранніца («Вясна свяшчэнная^[ru]» І. Стравінскага), Джульета («Рамэа і Джульета» С. Пракоф’ева) і інш.

Узнагароды

• Лаўрэат Міжнароднага конкурсу артыстаў балета  (руск.) ў Варне (Балгарыя, 1974, другое месца і сярэбраны медаль) і Маскве (1977, трэцяе месца і бронзавы медаль)^[3]
• Дыплом Першага Міжнароднага конкурсу маладых артыстаў балета імя Сяргея Дзягілева ў Маскве як лепшы педагог-рэпетытар (1992)^[2]

Зноскі

1. РУССКИЕ ЛАТВИИ
2. ТАТЬЯНА ЕРШОВА на афіцыйным сайце Вялікага тэатра Беларусі
3. ЕРШОВА ТАТЬЯНА МИХАЙЛОВНА на сайце «КИНО-ТЕАТР.РУ»