Ткачоўскі сельсавет

Ткачо́ўскі сельсавет — былая адміністрацыйна-тэрытарыяльная адзінка ў складзе Пружанскага раёна Брэсцкай вобласці Беларусі. Адміністрацыйны цэнтр — вёска Ткачы.

Ткачоўскі сельсавет
Краіна	Беларуская ССР
Уваходзіў у	Пружанскі раён
Адміністрацыйны цэнтр	Ткачы
Дата ўтварэння	12 кастрычніка 1940, 12 жніўня 1957
Дата скасавання	16 ліпеня 1954, 5 жніўня 1974

Утвораны 12 кастрычніка 1940 года ў складзе Пружанскага раёна Брэсцкай вобласці БССР. 16 ліпеня 1954 года скасаваны, тэрыторыя далучана да Бакунскага сельсавета^[1].

12 жніўня 1957 года цэнтр Бакунскага сельсавета перанесены ў вёску Ткачы, Бакунскі сельсавет перайменаваны ў Ткачоўскі^[2]. 9 сакавіка 1959 года ў склад Лінаўскага сельсавета перададзена вёска Млынок^[3], 11 чэрвеня 1962 года — вёска Варотнае^[4]. На 1 студзеня 1974 года ў складзе сельсавета 10 населеных пунктаў^[5]. 5 жніўня 1974 года цэнтр сельсавета перанесены ў вёску Бакуны, сельсавет перайменаваны ў Бакунскі^[6].