Бакунскі сельсавет (Пружанскі раён)

У паняцця ёсць і іншыя значэнні, гл. Бакунскі сельсавет.

Баку́нскі сельсавет — былая адміністрацыйна-тэрытарыяльная адзінка ў складзе Пружанскага раёна Брэсцкай вобласці. Цэнтр — вёска Бакуны.

Бакунскі сельсавет
Краіна	Беларусь
Уваходзіць у	Пружанскі раён
Уключае	10 населеных пунктаў
Адміністрацыйны цэнтр	Бакуны
Дата ўтварэння	12 кастрычніка 1940, 5 жніўня 1974
Дата скасавання	12 жніўня 1957, 18 лістапада 2005
Насельніцтва	894 чал. (1999)
Код аўтам. нумароў	1

Утвораны 12 кастрычніка 1940 года ў складзе Пружанскага раёна Брэсцкай вобласці БССР. Цэнтр — вёска Бакуны. 16 ліпеня 1954 года да сельсавета далучана тэрыторыя скасаванага Ткачоўскага сельсавета, у склад сельсавета з Астроміцкага сельсавета Кобрынскага раёна перададзена вёска Млынок^[1]. 12 жніўня 1957 года сельсавет цэнтр сельсавета перанесены ў вёску Ткачы, сельсавет перайменаваны ў Ткачоўскі^[2].

5 жніўня 1974 года Ткачоўскі сельсавет перайменаваны ў Бакунскі^[3]. 18 лістапада 2005 года скасаваны, тэрыторыя далучана да Лінаўскага сельсавета^[4].

На момант скасавання ў склад сельсавета ўваходзілі 10 вёсак: Араб’і, Бакуны, Вінец, Занявічы, Концыкі, Кутнявічы, Мікалаевічы, Обеч, Рапяхі і Ткачы.