Тэрмапілы

«Тэрмапілы» — літаратурна-мастацкі і беларусазнаўчы штогадовы часопіс^[1]. Выдавец — Беларускае літаратурнае аб’яднанне «Белавежа»^[2][3]. Выходзіць з 1998 года ў Беластоку, Польшча. Галоўны рэдактар — Ян Чыквін^[4]. Мова выдання — беларуская, польская.

«Тэрмапілы»
Тып	часопіс
Заснавальнік	Беларускае літаратурнае аб’яднанне «Белавежа»
Выдавец	Беларускае літаратурнае аб’яднанне «Белавежа»
Краіна	Польшча
Галоўны рэдактар	Ян Чыквін
Заснавана	1998
Тэматыка	літаратурна-мастацкі і грамадска-палітычны
Мова	беларуская, польская
Перыядычнасць	1/год
Аб’ём	350 с.
Галоўны офіс	15-420 Białystok, ul. Liniarskiego 4
Тыраж
ISSN	1506-6576

Гісторыя

Часопіс «Тэрмапілы» выходзіць з 1998 г., юбілейнага саракагоддзя аб’яднання «Белавежа». Да гэтага творы белавежцаў друкаваліся на Літаратурнай старонцы штотыднёвіка «Ніва», у альманахах ды аўтарскіх выданнях^[5]. Часопіс стаў першым беларускім выключна літаратурным часопісам на тэрыторыі Польшчы^[6].

Ва ўступным слове да першага нумара рэдактар «Тэрмапілаў» Я. Чыквін акрэсліў канцэпцыю часопіса:

«Хочацца спадзявацца, што ад самага пачатку часопісу будзе ўласціва формула адкрытасці ў тым сэнсе, што ён стане месцам сустрэчы для ўсіх, хто хоча творча займацца беларускім прыгожым пісьменствам, беларускаю культураю і іх даследаваннем, як у нас, так і па-за межамі Польшчы»^[4][7].

Спасылкі

• Падборка выданняў час. «Тэрмапілы» на Kamunikat.org

Зноскі

1. Тэрмапілы: літаратурна-мастацкі і беларусазнаўчы часопіс (нявызн.). НББ. Праверана 27 красавіка 2020.
2. Мальдзіс А.І.. У беластоцкай “Белавежы” — юбілей (нявызн.). СБ. Беларусь сегодня (26 чэрвеня 2008). Праверана 27 красавіка 2020.
3. Навукова-публіцыстычныя выданні (нявызн.). Міністэрства замежных спраў Рэспублікі Беларусь. Праверана 27 красавіка 2020.
4. Тварановіч Г.П.. Беларуская літаратура ў Польшчы (нявызн.)(недаступная спасылка). ТБМ (10 студзеня 2014). Архівавана з першакрыніцы 15 красавіка 2021. Праверана 27 красавіка 2020.
5. Мастацкія творы на старонках часопіса Тэрмапілы: жанры, тэматыка, праблематыка // МДУ імя А. Куляшова. — 2016. — С. 1. Архівавана з першакрыніцы 10 снежня 2021.
6. Астраўцоў С.А.. Што такое “Правінцыя”? (нявызн.). Наша Ніва (7 мая 2001). Праверана 27 красавіка 2020.
7. «Тэрмапілы» 1998, № 1, с. 3.