Ян Чыквін

Ян Чыквін (18 мая 1940, в. Дубічы Царкоўныя, цяпер Гайнаўскі павет, Падляскае ваяводства, Польшча — 14 лістапада 2022^[1], Бельск-Падляскі) — беларускі паэт, перакладчык, гісторык рускай і беларускай літаратур. Доктар гуманітарных навук, прафесар.

Ян Чыквін
Асабістыя звесткі
Дата нараджэння	18 мая 1940(1940-05-18)
Месца нараджэння	Дубічы Царкоўныя, Кляшчэльскі раён, Брэсцкая вобласць, Беларуская ССР, СССР
Дата смерці	14 лістапада 2022(2022-11-14) (82 гады)
Месца смерці	Бельск Падляскі, Бельскі павет, Падляскае ваяводства, Польшча
Пахаванне	Праваслаўныя могілкі ў Бельску Падляскім[d]
Грамадзянства	СССР  Польская Народная Рэспубліка  Польшча
Альма-матар	Варшаўскі ўніверсітэт (1964)
Месца працы	Беластоцкі ўніверсітэт Варшаўскі ўніверсітэт Тэрмапілы
Прафесійная дзейнасць
Род дзейнасці	літаратуразнавец, перакладчык, паэт
Мова твораў	беларуская і польская
Грамадская дзейнасць
Член у	Беларускае літаратурнае аб’яднанне «Белавежа» Беларускі ПЭН Саюз польскіх пісьменнікаў[d]
Узнагароды

Біяграфічныя звесткі

Скончыў філалагічны факультэт Варшаўскага ўніверсітэта (1964). З 1969 года — навуковы супрацоўнік філіяла Варшаўскага ўніверсітэта ў Беластоку, з 1985 года да 1997 года — Варшаўскага ўніверсітэта, з 1998 года — ва ўніверсітэце ў Беластоку. Старшыня Беларускага літаратурнага аб’яднання «Белавежа». Галоўны рэдактар часопіса «Тэрмапілы». Член Саюза польскіх пісьменнікаў і беларускага ПЭН-цэнтра. Жыў у Бельску-Падляскім.

Творчасць

Дэбютаваў на старонках «Нівы» ў 1957 годзе. Аўтар зборнікаў паэзіі «Іду» (Беласток, 1969), «Святая студня» (Беласток, 1970), «Неспакой» (Беласток, 1977), «Светлы міг» (Мінск, 1989), «Кругавая чара» (Беласток, 1992), «Свет першы і апошні» (Беласток, 1997); у перакладзе на польскую мову выйшлі кнігі «На парозе свету» (Варшава, 1983), «Сонечная вязь» (Ольштын, 1988), «Адпачынак ля перасохлай крыніцы» (Беласток, 1996). Апублікаваў некалькі вершаў па-польску.

Паэзія Яна Чыквіна філасофская, сімвалічная, часам ускладнёна-метафарычная^[2].

Як літаратуразнаўца вывучаў рускую паэзію «сярэбранага веку», у т.л. творчасць А. Фета. Аўтар зборніка «Далёкія і блізкія. Беларускія пісьменнікі замежжа» (Беласток, 1997). Укладальнік кнігі «Беларускія пісьменнікі Польшчы. Другая палова XX ст.»^[3]

Узнагароды

За асветніцкую дзейнасць узнагароджаны залатым медалём «Gloria Artis»^[4].

Зноскі

1. Пайшоў з жыцця беларускі паэт і перакладчык Ян Чыквін (нявызн.). Новы Час (14 лістапада 2022). Праверана 14 лістапада 2022.
2. У. Конан (2000)
3. Беларускія пісьменнікі Польшчы: другая палова XX ст. / Прадм. У. Конана. — Мн .: Беларускі кнігазбор, 2000. — 576 с. — 2 000 экз. — ISBN 985-6318-80-7.
4. Арлоў І.. Безайчынныя вершы (нявызн.). Вечерний Брест (23 снежня 2009). Праверана 27 красавіка 2020.(недаступная спасылка)