Таццяна Антонаўна Баначыч

У Вікіпедыі ёсць артыкулы пра іншых людзей з прозвішчам Баначыч.

У Вікіпедыі ёсць артыкулы пра іншых людзей з прозвішчам Каліноўская.

Таццяна Антонаўна Баначыч (Каліноўская, нар. Нікіціна; 9 студзеня 1905, Саратаў^[1] — 24 студзеня 1997^[2]) — беларуская оперная спявачка (лірыка-каларатурнае сапрана)^[3].

Таццяна Антонаўна Баначыч
Імя пры нараджэнні	Таццяна Антонаўна Нікіціна
Дата нараджэння	9 студзеня 1905(1905-01-09)
Месца нараджэння	Саратаў, Саратаўская губерня, Расійская імперыя
Дата смерці	24 студзеня 1997(1997-01-24) (92 гады)
Муж	Антон Пятровіч Баначыч і Валяр'ян Каліноўскі[d]
Адукацыя	Саратаўская дзяржаўная кансерваторыя імя Л. В. Собінава Мінскі музычны тэхнікум (1931) Беларуская дзяржаўная акадэмія музыкі
Прафесія	оперная спявачка
Тэатр	Беларуская студыя оперы і балета Нацыянальны акадэмічны Вялікі тэатр оперы і балета Рэспублікі Беларусь Менскі беларускі тэатр

Біяграфія

З сям’і службоўца. Вучылася ў Саратаўскай кансерваторыі (фартэпіяна, клас Барыса Радугіна; сольныя спевы, клас Міхаіла Мядзведзева). Скончыла Беларускі музычны тэхнікум (1931, спевы, клас Антона Баначыча) і тры курсы кансерваторыі (фартэпіяна, клас Георгія Пятрова; адначасова сольныя спевы). У 1930—1933 у Беларускай студыі оперы і балета. У 1933—1941, 1944 салістка Беларускай оперы. У 1941—1944 салістка оперы Мінскага гарадскога тэатра.

Арыштавана 16 снежня 1944 у Мінску па адрасе: пас. Фрунзе, д. 6, кв. 1. Асуджана 3 кастрычніка 1945 як «сацыяльна-небяспечны элемент» і за «работу ў оперным тэатры ў Мінску падчас нямецка-фашысцкай акупацыі» да 5 гадоў папраўча-працоўных лагераў^[4]. Пазней на вольным пасяленні ў Сібіры, працавала медсястрой. У 1954 вярнулася ў Мінск. У 1957 рэабілітавана. Рэабілітавана ваеннай калегіяй Вярхоўнага суда БССР 24 мая 1957. Асабовая справа К. № 10324-с захоўваецца ў архіве КДБ Беларусі^[4].

Сям’я

Была замужам за сваім педагогам Антонам Баначычам, пазней — артыстам оперы Валяр’янам Каліноўскім.

Творчасць

Сярод партый: Марфа («Царская нявеста  (руск.)» М. Рымскага-Корсакава), Разіна («Севільскі цырульнік  (руск.)» Д. Расіні), Русалка («Кветка шчасця» А. Туранкова)^[5].

Зноскі

1. Каліноўская, Таццяна Антонаўна (оперная спявачка ; 1905—1997)(недаступная спасылка)
2. Листок календаря. 9 января (руск.)
3. 9 января: этот день в истории (руск.)
4. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 1 / Укладальнік Л. У. Маракоў. — Мн., 2004.
5. Этот день в истории 9 января (руск.)