Тамара Герасімаўна Раманоўская

Тамара Герасімаўна Раманоўская (нар. 3 сакавіка 1934, пас. Фралова, Хіславіцкі раён, Смаленская вобласць, РСФСР)  — беларускі архітэктар.

Тамара Герасімаўна Раманоўская
Дата нараджэння	3 сакавіка 1934(1934-03-03) (91 год)
Месца нараджэння	Фралова, Хіславіцкі раён, Заходняя вобласць, РСФСР, СССР
Альма-матар	Мінскі будаўнічы тэхнікум (1955) БПІ (1964)
Месца працы	Белдзяржпраект
Член у	Саюз архітэктараў СССР Беларускі саюз архітэктараў
Узнагароды	Грамата Прэзідыума Вярхоўнага Савета БССР (1980) Ганаровая грамата Міністэрства ўнутраных спраў Беларусі[d] (1996)

У Вікіпедыі ёсць артыкулы пра іншых людзей з прозвішчам Раманоўская.

Біяграфія

Скончыла ў 1955 годзе Мінскі архітэктурна-будаўнічы тэхнікум. У 1955—1958 гадах тэхнік-архітэктар, старэйшы тэхнік-архітэктар Белдзяржпраекта. У 1964 годзе БПІ. У 1964—1990 гадах архітэктар, старэйшы архітэктар, кіраўнік групы, галоўны архітэктар праектаў Белдзяржпраекта; у 1990—1997 гадах індывідуальны прадпрымальнік — праектаванне архітэктурнай часткі праектаў.

Член Саюза архітэктараў з 1967 года.

Пражывае ў Мінску па вул. Андрэеўскай, 7.

Творчасць

НДЦКІ МУС БССР па вул. Валадарскага

Асноўныя працы (у аўтарскім калектыве); адміністрацыйныя будынкі Мінпрамбуда на вул. Мяснікова і Мінспецмантаж БССР на пл. Мяснікова (1972—1974), гасцініца «Планета» (1980), рэканструкцыя галоўнага корпуса АН БССР (1982—1984), навучальна-лабараторны корпус УЗЭІС па Старабарысаўскім тракце ў Мінску (1982), прафілакторый Мінскай ЦЭЦ-3 у пас. Зялёнае (1982), мікрараён № 1 (1969) і гандлёвы цэнтр па Віцебскім праспекце ў Магілёве (1983—1987), вылічальны цэнтр Статупраўлення Мінскай вобласці (1988), НДЦКІ МУС БССР (1986—1990) па вул. Валадарскага, паліклініка МУС БССР (1996). Аўтар праектаў: 7-павярховы гараж на 606 машынамесцаў і станцыя тэхабслугоўвання па вул. Трасцянецкай у Мінску (1989), 9-павярховыя жылыя дамы па вул. Кулібіна ў Мінску (1994—1997).

Узнагароды

Узнагароджана Граматай Прэзідыума Вярхоўнага Савета БССР (1980), Ганаровай граматай Фрунзенскага райкама КПБ (1980), Ганаровай граматай Упраўлення замежнага турызму пры Саўміне БССР, граматай Саюза архітэктараў БССР (1984), граматай МУС Рэспублікі Беларусь (1996). Мае дыплом 1 ступені за распрацоўку праекта гасцініцы «Планета».

Зноскі