Уладзімір Іванавіч Ганчарэнка

У Вікіпедыі ёсць артыкулы пра іншых людзей з прозвішчам Ганчарэнка.

Уладзі́мір Іва́навіч Ганчарэ́нка (нар. 12 лютага 1942, в. Садкі Калінкавіцкага раёна Гомельскай вобласці) — беларускі дзяржаўны дзеяч, былы міністр сувязі і інфарматызацыі Рэспублікі Беларусь (2005-2006).

Уладзімір Іванавіч Ганчарэнка
Міністр сувязі і інфарматызацыі Рэспублікі Беларусь 17 жніўня 2005 года — 5 мая 2006 года
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	пасада ўтворана
Пераемнік	Мікалай Панцялей
Нараджэнне	12 лютага 1942(1942-02-12) (83 гады) в. Садкі, Калінкавіцкі раён, Гомельская вобласць
Адукацыя	Усесаюзны завочны электратэхнічны інстытут сувязі (1981)

Біяграфія

Скончыў Усесаюзны завочны электратэхнічны інстытут сувязі (1981). Заслужаны сувязіст Рэспублікі Беларусь (1997).

Працаваў тэлеграфістам, электраманцёрам і электрамеханікам Калінкавіцкага раённага вузла сувязі, інжынерам, намеснікам начальніка і начальнікам эксплуатацыйна-тэхнічнага вузла сувязі - ЭТВС - у Калінкавічах, потым у Рэчыцы.

З 1984 па 1994 — узначальваў Магілёўскае абласное вытворча-тэхнічнае ўпраўленне сувязі і інфарматыкі.

З 14 кастрычніка 1994 — міністр сувязі і інфарматыкі Рэспублікі Беларусь^[1].

17 снежня 1999 года прызначаны кіраўніком спраў Прэзідэнта Рэспублікі Беларусь^[2].

З 22 лютага 2001 зноў міністр сувязі Рэспублікі Беларусь^[3].

17 жніўня 2005 года пасля пераўтварэння Міністэрства сувязі ў Міністэрства сувязі і інфарматызацыі быў прызначаны Міністрам сувязі і інфарматызацыі.^[4] На пасадзе Міністра прапрацаваў да 5 мая 2006 года.

Зноскі

1. Указ Прэзідэнта Рэспублікі Беларусь ад 14 кастрычніка 1994 г. №143 «Аб прызначэнні У.І.Ганчарэнкі Міністрам сувязі і інфарматыкі Рэспублікі Беларусь»
2. Указ Прэзідэнта Рэспублікі Беларусь ад 17 снежня 1999 г №741 «Аб прызначэнні У.І.Ганчарэнкі Кіраўніком спраў Прэзідэнта Рэспублікі Беларусь»
3. Указ Прэзідэнта Рэспублікі Беларусь ад 22 лютага 2001 года №91 «Аб прызначэнні У.І.Ганчарэнкі Міністрам сувязі Рэспублікі Беларусь» Архівавана 7 сакавіка 2018.
4. Указ Прэзідэнта Рэспублікі Беларусь ад 17 жніўня 2005 года №383 «Аб прызначэнні У.І.Ганчарэнкі Міністрам сувязі і інфарматызацыі Рэспублікі Беларусь»