Уладзімір Анатольевіч Шабан

Уладзімір Анатольевіч Шабан (нар. 4 красавіка 1958, Любань, Вілейскі раён, Мінская вобласць) — беларускі ваеннакамандуючы, палкоўнік, дырэктар Беларускага дзяржаўнага цырка (з 2013).

Уладзімір Анатольевіч Шабан
Род дзейнасці	ваенны
Дата нараджэння	4 красавіка 1958(1958-04-04) (67 гадоў)
Месца нараджэння	Любань, Каловіцкі сельсавет, Вілейскі раён, Маладзечанская вобласць, Беларуская ССР, СССР
Месца працы	Камітэт дзяржаўнай бяспекі Рэспублікі Беларусь Беларуская дзяржаўная філармонія Беларускі дзяржаўны цырк
Альма-матар	Мінскі інстытут культуры (1982)
Партыя	Рэспубліканская партыя
Узнагароды і прэміі

У Вікіпедыі ёсць артыкулы пра іншых людзей з прозвішчам Шабан.

Біяграфія

Нарадзіўся 4 красавіка 1958 года ў в. Любань Вілейскага раёна Мінскай вобласці^[1]. Скончыў музычную школу па класе баяна^[2].

Служыў ва Узброеных сілах СССР у горадзе Гатчына Ленінградскай вобласці ў воінскай часці, якая адносілася да Камітэта дзяржбяспекі СССР^[3].

Пасля службы ў войску ў 1982 годзе скончыў Мінскі інстытут культуры. Спецыяльнасць па адукацыі: культасветработнік, арганізатар-метадыст клубнай работы^[4].

Пасля заканчэння ВНУ быў накіраваны на працу ў органы дзяржаўнай бяспекі, дзе праслужыў 30 гадоў. Пачынаў працаваць у Самаркандзе Узбекскай ССР, дзе працаваў на працягу 12 гадоў^[5].

У 1981 годзе ажаніўся, у 1983 годзе ў сям’і нарадзілася дачка, а ў 1992 годзе — сын^[5].

У 2000 годзе працаваў начальнікам аддзела па абароне канстытуцыйнага ладу і барацьбе з тэрарызмам упраўлення Камітэта дзяржаўнай бяспекі па г. Мінску і Мінскай вобласці^[6]. Скончыў службу ў КДБ на пасадзе намесніка начальніка ўпраўлення КДБ па Мінску і Мінскай вобласці^[7].

З 2010 па 2013 гады працаваў намеснікам генеральнага дырэктара па ідэалагічнай рабоце, сацыяльных, прававых і кадравых пытаннях Беларускай дзяржаўнай філармоніі^[8].

5 снежня 2013 года прызначаны дырэктарам Беларускага дзяржаўнага цырка^[8].

Член Рэспубліканскай партыі^[9].

Узнагароды

• медаль «За бездакорную службу» III ступені (1990)^[4]
• медаль «За бездакорную службу» II ступені (2000)^[6]
• медаль «За бездакорную службу» I ступені (2005)^[4]

Зноскі

1. Лобатый Станислав. «Теперь целую клоуна в темечко» // Сельская газета № 2015-15 от 7 февраля 2015 Архівавана 4 снежня 2022.
2. Сілавікі ў беларускай культуры: з КДБ — у цырк, з міліцыі — на БТ
3. Глаза в глаза. Директор Белгосцирка Владимир Шабан Архівавана 25 верасня 2020.
4. Владимир Шабан. Санкт-Петербургский международный культурный форум
5. Директор Белгосцирка Владимир Шабан: первый международный фестиваль циркачей соберет звезд со всех континентов
6. Указ Президента Республики Беларусь от 29 августа 2000 года № 467 «Аб узнагароджанні групы ваеннаслужачых, асоб начальніцкага складу органаў унутраных спраў і прыраўнаваных да іх асоб медалём „За бездакорную службу“ I, II, III ступені»
7. Хроника нарушений прав человека в Республике Беларусь(недаступная спасылка)
8. У Белдзяржцырку — новыя дырэктар і мастацкі кіраўнік(недаступная спасылка)
9. Решение Президиума Минского городского Совета депутатов от 9 июля 2012 года № 28/2207 «Об образовании окружных избирательных комиссий по выборам депутатов Палаты представителей Национального собрания Республики Беларусь пятого созыва» Архівавана 25 чэрвеня 2021.