Уладзімір Віталевіч Жураў

У Вікіпедыі ёсць артыкулы пра іншых людзей з прозвішчам Жураў.

Уладзімір Жураў (нар. 9 сакавіка 1991) — беларускі футбаліст, брамнік.

Уладзімір Жураў
Поўнае імя	Уладзімір Віталевіч Жураў
Нарадзіўся	9 сакавіка 1991(1991-03-09)[1] (34 гады) Малінаўка, Бацвінаўскі сельсавет, Крычаўскі раён, Магілёўская вобласць, Беларусь
Грамадзянства	Беларусь
Рост	186 см
Вага	82 кг[2]
Пазіцыя	брамнік
Клубная кар’ера[* 1]
2009—2015 Дняпро (Магілёў) 32 (-33) 2012—2013 →  Полацк 34 (-57) 2013 →  Нафтан (Наваполацк) 1 (-2) 2016—2018 Нёман (Гродна) 34 (-38) 2019 Віцебск 5 (-7) 2020—2023 Дняпро (Магілёў) 80 (-95)
Нацыянальная зборная[* 2]
2009 Беларусь (да 19) 1 (-1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 ліпеня 2023. Колькасць гульняў і галоў за нацыянальную зборную ў афіцыйных матчах

Клубная кар’ера

Выступаў за магілёўскі «Дняпро», дзе гуляў пераважна за дубль.

З 2012 года быў асноўным брамнікам «Полацка» ў Першай лізе. Пасля пагаршэння фінансавага становішча полацкай каманды ў жніўні 2013 года перайшоў у наваполацкі «Нафтан». У складзе «Нафтана» стаў трэцім брамнікам. 1 верасня 2013 года дэбютаваў у асноўным складзе навапалачан у матчы супраць брэсцкага «Дынама», правёў усе 90 хвілін. З-за памылак Журава «Нафтан» прапусціў 2 галы і саступіў 1:2. Больш у сезоне 2013 не полі не з’яўляўся.

У студзені 2014 года па заканчэнні тэрміну арэнды вярнуўся ў «Дняпро». Пачынаў сезон 2014 у якасці другога брамніка (пасля Барыса Панкратава), але пасля таго як Панкратаў у ліпені 2014 года атрымаў траўму, стаў выступаць у аснове. Па выніках сезона 2014 «Дняпро» выбыў у Першую лігу, дзе Жураў стаў асноўным брамнікам (чаргаваўся з Русланам Капанцовым).

У лютым 2016 года па заканчэнні кантракта пакінуў «Дняпро»^[3] і накіраваўся на прагляд у гродзенскі «Нёман», з якім у сакавіку падпісаў пагадненне^[4]. У складзе «Нёмана» стаў другім брамнікам пасля Сяргея Курганскага. У маі 2017 года ў сувязю з траўмай Курганскага, заняў месца ў аснове, пазней стаў часцей з’яўляцца на полі. У лістападзе 2017 года на два гады падоўжыў кантракт з «Нёманам»^[5]. У першай палове 2018 года быў асноўным брамнікам каманды, пазней страціў месца ў складзе.

У лютым 2019 года перайшоў у «Віцебск»^[6], дзе быў другім брамнікам пасля Дзмітрыя Гушчанкі. У снежні 2019 года кантракт клуба з брамнікам быў разарваны^[7].

У студзені 2020 года далучыўся да магілёўскага «Дняпра»^[8]. Стаў асноўным брамнікам каманды і дапамог ёй перамагчы ў Другой лізе. У студзені 2021 года падоўжыў кантракт з магілёўскім клубам^[9]. У сезоне 2021 заставаўся асноўным брамнікам каманды. У студзені 2022 года стала вядома, што Жураў застаецца ў «Дняпры» яшчэ на год^[10].

У сезоне 2022 у Вышэйшай лізе правёў 21 гульню з 30. У студзені 2023 года, нягледзячы на выбыванне ў Першую лігу, падоўжыў кантракт з «Дняпром»^[11]. Пакінуў каманду ў чэрвені 2023 года^[12].

Дасягненні

• Пераможца Другой лігі чэмпіянату Беларусі: 2020

Статыстыка выступленняў

Сезон	Дывізіён	Клуб	Краіна	Матчы	Галы
2009	дубль	Дняпро		16	−11
2010	Д1	Дняпро		1	−4
2011	Д1	Дняпро		2	−5
2012	Д2	Полацк		24	−46
2013 (1)	Д2	Полацк		10	−11
2013 (2)	Д1	Нафтан		1	−2
2014	Д1	Дняпро		11	−14
2015	Д2	Дняпро		18	−10
2016	Д1	Нёман		2	−0
2017	Д1	Нёман		19	−19
2018	Д1	Нёман		13	−19
2019	Д1	Віцебск		5	−7
2020	Д3	Дняпро		20	−8
2021	Д2	Дняпро		30	−32
2022	Д1	Дняпро		21	−48
2023 (1)	Д2	Дняпро		9	−7