Уладзімір Канстанцінавіч Ліпскі

У Вікіпедыі ёсць артыкулы пра іншых асоб з падобнымі імёнамі, гл. Ліпскі і Уладзімір Ліпскі.

Уладзімір Канстанцінавіч Ліпскі (8 чэрвеня 1942, Новасібірск, РСФСР, СССР — 13 кастрычніка 2023, Наваполацк, Беларусь) — беларускі спецыяліст у галіне геаэкалогіі і суднабудавання. Доктар тэхнічных навук (2010), прафесар (2011).

Уладзімір Канстанцінавіч Ліпскі
Дата нараджэння	8 чэрвеня 1942(1942-06-08)
Месца нараджэння	Новасібірск, Новасібірская вобласць, РСФСР, СССР
Дата смерці	13 кастрычніка 2023(2023-10-13) (81 год)
Месца смерці	Наваполацк, Віцебская вобласць, Беларусь
Грамадзянства	СССР  Беларусь
Род дзейнасці	навуковец, выкладчык універсітэта
Месца працы	Калінінградскі тэхнічны інстытут рыбнай прамысловасці і гаспадаркі[d] механіка-тэхналагічны факультэт ПДУ
Навуковая ступень	доктар тэхнічных навук (2010)
Навуковае званне	прафесар (2011)
Альма-матар	Калінінградскі тэхнічны інстытут рыбнай прамысловасці і гаспадаркі[d] (1964)
Узнагароды	Чалавек года Віцебшчыны[d] (2010)

Біяграфія

Скончыў Калінінградскі тэхнічны інстытут рыбнай прамысловасці і гаспадаркі (спецыяльнасць «Тэхналогія машынабудавання, металарэжучыя станкі і інструменты», 1964; аспірантура, спецыяльнасць «Тэорыя карабля», 1971).

Працаваў у Калінінградскім тэхнічным інстытуце рыбнай прамысловасці і гаспадаркі (1965—1971), Полацкім дзяржаўным універсітэце (з 1974, механіка-тэхналагічны факультэт, кафедра трубаправоднага транспарту і гідраўлікі, прафесар).

Навуковыя інтарэсы: выпрабаванне мадэлей суднаў на натурным хваляванні; рух двухфазных патокаў; гідратранспарт; упакоўванне і транспартаванне высоказастываючых нафтапрадуктаў; засцярога водных аб’ектаў пры аварыйных разлівах нафты; прамысловая і экалагічная бяспека магістральных трубаправодаў.

Узнагароды

Медаль Францыска Скарыны (2013), званне «Чалавек года Віцебшчыны» (2010), значок «Выдатнік адукацыі Рэспублікі Беларусь» (1993).

Бібліяграфія

• Защита водных объектов при аварийных разливах нефти на нефтепроводах : диссертация … доктора технических наук : 25.00.36 : защищена 16.06.2010 : утверждена 24.11.2010 / Липский Владимир Константинович. — Минск, 2010.
• Технические средства защиты водных объектов при аварийных разливах нефти / В. К. Липский, И. И. Лиштван. — Новополоцк, 2009.
• Упаковывание и транспортирование высокозастывающих нефтепродуктов / П. В. Коваленко, В. К. Липский, З. С. Теряева. — Новополоцк, 2008.

Зноскі