Уладзімір Мікалаевіч Скварцоў

У Вікіпедыі ёсць артыкулы пра іншых людзей з прозвішчам Скварцоў.

Уладзі́мір Мікала́евіч Скварцо́ў (нар. 21 снежня 1954 у г. Рэж Свярдлоўскай вобласці, РСФСР) — беларускі дыпламат.

Уладзімір Скварцоў
Надзвычайны і Паўнамоцны Пасол Рэспублікі Беларусь у Дзяржаве Ізраіль 10 верасня 2013 — 12 верасня 2019
Прэзідэнт	Аляксандр Лукашэнка
Кіраўнік урада	Міхаіл Мясніковіч, Андрэй Кабякоў
Папярэднік	Ігар Ляшчэня
Пераемнік	Яўген Вараб’ёў
Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Германія 3 верасня 1999 — 26 чэрвеня 2009
Прэзідэнт	Аляксандр Лукашэнка
Кіраўнік урада	Сяргей Лінг, Уладзімір Ярмошын, Генадзь Навіцкі, Сяргей Сідорскі
Папярэднік	Пётр Бяляеў
Пераемнік	Андрэй Гіро
Нараджэнне	21 снежня 1954(1954-12-21) (70 гадоў) Рэж, Рэжаўская гарадская акруга[d], Свярдлоўская вобласць, РСФСР, СССР
Адукацыя	Беларускі дзяржаўны ўніверсітэт замежных моў БДУ
Узнагароды	ганаровая грамата Нацыянальнага сходу Рэспублікі Беларусь (9 кастрычніка 2008) Ганаровая грамата Савета Міністраў Рэспублікі Беларусь (21 снежня 2004)

Біяграфія

Скончыў Мінскі дзяржаўны інстытут замежных моў (1977) і Беларускі дзяржаўны ўніверсітэт (1992).

На дыпламатычнай службе з 1981 года. Працаваў у пасольстве СССР у Германскай Дэмакратычнай Рэспубліцы, на розных пасадах у Міністэрстве замежных спраў Рэспублікі Беларусь (1992—1995). У 1995—1998 гадах быў саветнікам у пасольстве Рэспублікі Беларусь у Федэратыўнай Рэспубліцы Германія. У 1998—1999 гадах быў кіраўніком прэс-службы Прэзідэнта Рэспублікі Беларусь.

3 верасня 1999 года быў прызначаны Надзвычайным і Паўнамоцным Паслом Рэспублікі Беларусь у Федэратыўнай Рэспубліцы Германія^[1]. Адстаўлены з гэтай пасады 26 чэрвеня 2009 года^[2].

У 2009—2013 быў начальнікам упраўлення знешнепалітычнага аналізу МЗС Рэспублікі Беларусь.

10 верасня 2013 года быў прызначаны Надзвычайным і Паўнамоцным Паслом Рэспублікі Беларусь у Дзяржаве Ізраіль^[3]. 12 верасня 2019 года быў вызвалены з пасады^[4].

Узнагароды

21 снежня 2004 года ўзнагароджаны Ганаровай граматай Савета Міністраў^[5], а 9 кастрычніка 2008 года — Ганаровай граматай Нацыянальнага сходу Рэспублікі Беларусь^[6].

Сям’я

Жанаты, мае дачку.