Уладзіслаў Алегавіч Ганчароў

Уладзісла́ў Але́гавіч Ганчаро́ў (нар. 2 снежня 1995, Віцебск, Віцебская вобласць, Беларусь) — беларускі скакун на батуце. Заслужаны майстар спорту Рэспублікі Беларусь (2022)^[1]. Алімпійскі чэмпіён 2016 года, сярэбраны і бронзавы прызёр чэмпіянатаў свету 2014 і 2015 гадоў, чэмпіён Еўропы 2014 года, сярэбраны прызёр Еўрапейскіх гульняў 2015 года.

Уладзіслаў Ганчароў
Агульная інфармацыя
Пол	мужчынскі
Поўнае імя	Уладзіслаў Алегавіч Ганчароў
Спецыялізацыя	скачкі на батуце
Нарадзіўся	2 снежня 1995(1995-12-02) (29 гадоў) Віцебск, Віцебская вобласць, Беларусь
Грамадзянства	Беларусь
Альма-матар	Дзяржаўная ўстанова адукацыі «Гімназія № 1 г. Віцебска»
Гады кар’еры	з 2002
Трэнеры	Вольга Анатольеўна Уласава
Рост	172 см
Вага	66 кг
Спартыўнае званне
Узнагароды і медалі Скачкі на батуце (мужчыны) Летнія Алімпійскія гульні Золата Рыа-дэ-Жанэйра 2016 індывід. Еўрапейскія гульні Срэбра Баку 2015 індывід. Срэбра Баку 2015 сінхр. Чэмпіянат свету Срэбра Дэйтона-Біч 2014 сінхр. Бронза Дэйтона-Біч 2014 індывід. Срэбра Одэнсэ 2015 індывід. Срэбра Одэнсэ 2015 сінхр. Бронза Одэнсэ 2015 каманд. Чэмпіянат Еўропы Золата Гімарайнш 2014 індывід. Бронза Гімарайнш 2014 каманд. Золата Вальядалід 2016 індывід. Золата Вальядалід 2016 сінхр. Срэбра Вальядалід 2016 каманд. Дзяржаўныя і ведамасныя ўзнагароды Ордэн Айчыны 3 ступені, Беларусь
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Ганчароў.

Біяграфія

Скончыў гімназію № 1 г. Віцебска. На Чэмпіянаце свету 2013 года ў індывідуальных спаборніцтвах заняў 8-е месца, у сінхронных скачках — 6-е месца^[2].

Сярэбраны прызёр Еўрапейскіх гульняў 2015 года ў Баку ў індывідуальных і сінхронных скачках. У тым жа годзе на Чэмпіянаце свету ў Одэнсэ стаў срэбраным прызёрам у індывідуальных і сінхронных скачках і бронзавым у камандных спаборніцтвах^[2].

На Чэмпіянаце Еўропы 2014 года ў Гімарайншы заваяваў золата ў індывідуальных спаборніцтвах і бронзу ў камандных спаборніцтвах, у сінхронных скачках заняў пятае месца. У тым жа годзе на Чэмпіянаце свету ў Дэйтона-Біч стаў срэбраным прызёрам у сінхронных скачках і бронзавым у індывідуальных спаборніцтвах^[2].

На Чэмпіянаце Еўропы 2016 года ў Вальядалідзе заваяваў золата ў індывідуальных і сінхронных скачках і срэбра ў камандных спаборніцтвах^[2]. У тым жа годзе дэбютаваў на летніх Алімпійскіх гульнях у Рыа-дэ-Жанэйра, дзе ў індывідуальных скачах з адзнакай 61,745 бала заваяваў адзіны залаты медаль Беларусі на гэтых Гульнях.

З’яўляецца студэнтам кафедры гімнастыкі Беларускага дзяржаўнага ўніверсітэта фізічнай культуры.

Палітычныя погляды

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе^[3][4].

Узнагароды

• ордэн Айчыны ІІІ ступені (12 снежня 2016);
• ганаровае званне «Заслужаны майстар спорту Рэспублікі Беларусь» (25 лютага 2022)^[5];
• ганаровае званне «Ганаровы грамадзянін горада Віцебска» (18 жніўня 2016);
• спецыяльная прэмія Прэзідэнта Рэспублікі Беларусь «Беларускі спартыўны Алімп» (2017)^[6].

Зноскі

1. Указ Прэзідэнта Рэспублікі Беларусь ад 25 лютага 2022 г. № 71 «Аб узнагароджанні» (нявызн.)(недаступная спасылка). Архівавана з першакрыніцы 2 сакавіка 2022. Праверана 25 лютага 2022.
2. Владислав Гончаров (прыжки на батуте)
3. Стало известно, кто подписал открытое письмо спортсменов, выступающих за власть (руск.)(недаступная спасылка) (24 лістапада 2020). Архівавана з першакрыніцы 24 лістапада 2020. Праверана 24 лістапада 2020.
4. Подписи (нявызн.). Праверана 8 снежня 2020.
5. Указ Прэзідэнта Рэспублікі Беларусь ад 25 лютага 2022 г. № 71 «Аб узнагароджанні» (нявызн.)(недаступная спасылка). Архівавана з першакрыніцы 2 сакавіка 2022. Праверана 25 лютага 2022.
6. Падпісаны Указ аб прысуджэнні прэміі «Беларускі спартыўны Алімп» 2017 года (нявызн.)(недаступная спасылка). Архівавана з першакрыніцы 11 лютага 2022. Праверана 23 жніўня 2021.