Уладзіслаў Мар’янавіч Дукса

У Вікіпедыі ёсць артыкулы пра іншых людзей з прозвішчам Дукса.

Уладзіслаў Мар’янавіч Дукса (нар. 7 ліпеня 1980(1980-07-07)^[1], Солы, Гродзенская вобласць) — беларускі футбаліст, паўабаронца. Трэнер клуба «Смаргонь».

Уладзіслаў Мар’янавіч Дукса
Нарадзіўся	7 ліпеня 1980(1980-07-07)[1] (45 гадоў) Солы, Сольскі сельсавет, Смаргонскі раён, Гродзенская вобласць, Беларуская ССР, СССР
Грамадзянства	Беларусь
Пазіцыя	абаронца
Клубная кар’ера[* 1]
1998—2013 Смаргонь 331 (10)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Клубная кар’ера

Пачынаў займацца футболам у родных Солах некалькі разоў на тыдзень, калі да іх прыязджаў Майсейчанка Андрэй Іванавіч. Пасля заканчэння школы паступіў у Беларускі дзяржаўны ўніверсітэт фізічнай культуры. Неўзабаве атрымаў запрашэнне ад Андрэя Іванавіча Майсейчанкі ў «Смаргонь». Пасля заканчэння сезона 2013 года завяршыў кар’еру гульца^[2][3]. З’яўляецца рэкардсменам клуба па згуляных матчах у афіцыйных сустрэчах, а менавіта 342 матчы ва ўсіх турнірах^[4].

Трэнерская кар’ера

Першапачаткова стаў трэнерам ДЮСШ у Смаргоні. Пазней стаў трэнерам у футбольным клубе «Смаргонь». Сезон 2021 года правёў як трэнер дублюючага складу, а таксама выконваў абавязкі галоўнага трэнера^[5][6]. У сезоне 2022 года стаў асістэнтам галоўнага трэнера ў асобе Ігара Трухава.

Сям’я

Бацька беларускі празаік і паэт Мар’ян Мікалаевіч Дукса. Сын Мацвей Дукса таксама прафесійны футбаліст.