Універсітэт Парыж I Пантэон-Сарбона

Універсітэт Парыж I Пантэон-Сарбона (фр.: L'Université Paris 1 Panthéon-Sorbonne) — французская дзяржаўная вышэйшая навучальная ўстанова са статусам універсітэта. Спецыялізуецца ў эканоміцы, менеджменце, мастацтве, сацыяльных навуках і юрыспрудэнцыі. Адміністрацыйны цэнтр размешчаны ў Лацінскім квартале Парыжа, мае прыкладна 20 філіялаў па ўсім горадзе. Адзін з 13 універсітэтаў, заснаваных на месцы Сарбоны.

Універсітэт Парыж I Пантэон-Сарбона
фр.: L'Université Paris 1 Panthéon-Sorbonne
Арыгінальная назва	фр.: L'Université Paris 1 Panthéon-Sorbonne
Міжнародная назва	англ.: Paris 1 Panthéon-Sorbonne University
Заснаваны	1253
Тып	дзяржаўная ВНУ
Студэнты	42 700[1]
Краіна	Францыя
Размяшчэнне	Парыж
Сайт	pantheonsorbonne.fr
Медыяфайлы на Вікісховішчы

Агульная характарыстыка

Пасля падзей у маі 1968 года Парыжскі ўніверсітэт быў падзелены на 13 самастойных універсітэтаў. Заснавальнікамі Універсітэта Парыж І лічацца Франсуа Люшэр (права), Анры Барталі (эканоміка) і Элен Алвайлер (гуманітарныя навукі), якія ў 1971 годзе аб'ядналі частку былога факультэта права, факультэта эканомікі і частку факультэта літаратуры і гуманітарных навук.

Ва ўніверсітэт уваходзяць 14 факультэтаў, 8 розных інстытутаў і даследчых цэнтраў, а таксама Дом эканомікі.

Структура

Факультэты

• Факультэт эканомікі
• Факультэт менеджменту і эканомікі прадпрыемстваў
• Факультэт матэматыкі і інфарматыкі
• Факультэт гісторыі мастацтваў і археалогіі
• Факультэт вытанчаных мастацтваў
• Факультэт геаграфіі
• Факультэт гісторыі
• Факультэт філасофіі
• Факультэт агульных юрыдычных навук
• Факультэт дзяржаўнага права, кіравання і ўрадавых устаноў
• Факультэт дзелавога правы
• Факультэт міжнароднага і еўрапейскага права
• Факультэт палітычных навук
• Факультэт сацыяльных работ і даследаванняў

Інстытуты і даследчыя цэнтры

• Інстытут дэмаграфіі
• Інстытут эканамічнага і сацыяльнага развіцця
• Інстытут сацыяльных навук у галіне працы
• Вышэйшы інстытут турызму
• Інстытут юрыспрудэнцыі Жана Дома
• Парыжскі інстытут страхавання
• Французскі інстытут камунікацый
• Парыжскі інстытут адміністрацыі прадпрыемстваў

Зноскі

1. ministère de l'Enseignement supérieur et de la Recherche data.gouv.fr: Plateforme ouverte des données publiques françaises — 2011. Праверана 15 снежня 2023.

   <a href='https://wikidata.org/wiki/Track:Q3016893'></a><a href='https://wikidata.org/wiki/Track:Q2726949'></a><a href='https://wikidata.org/wiki/Track:Q72587257'></a><a href='https://wikidata.org/wiki/Track:Q16635111'></a>