Уільям Эці

Уільям Эці (англ.: William Etty; 10 сакавіка 1787, Ёрк — 13 лістапада 1849, там жа) — англійскі жывапісец і малявальшчык, акадэмік Каралеўскай акадэміі мастацтваў у Лондане (з 1828; асацыяваны член з 1824), акадэмік Венецыянскай акадэміі прыгожых мастацтваў (з 1823). Вядучы прадстаўнік акадэмічнай школы першай паловы XIX стагоддзі, вядомы гістарычнымі карцінамі з актыўным выкарыстаннем аголенай натуры; таксама паспяхова працаваў у жанрах партрэта, бытавой сцэны і нацюрморта.

Уільям Эці
англ.: William Etty
Род дзейнасці	мастак, дзеяч мастацтваў
Дата нараджэння	10 сакавіка 1787(1787-03-10)[1][2][…]
Месца нараджэння	Ёрк, Ёрк[d], Норт-Ёркшыр[d], Англія, Каралеўства Вялікабрытанія
Дата смерці	13 лістапада 1849(1849-11-13)[1][2][…] (62 гады)
Месца смерці	Ёрк, Ёрк[d], Норт-Ёркшыр[d], Англія, Злучанае каралеўства Вялікабрытаніі і Ірландыі[3]
Месца пахавання	Норт-Ёркшыр[d]
Грамадзянства	Злучанае каралеўства Вялікабрытаніі і Ірландыі  Каралеўства Вялікабрытанія
Бацька	Matthew Etty[d][4]
Маці	Esther Calverley[d][4]
Альма-матар	Каралеўская акадэмія мастацтваў[5]
Член у	Каралеўская акадэмія мастацтваў[5]
Медыяфайлы на Вікісховішчы

Біяграфія

Нарадзіўся ў шматдзетнай сям’і млынара, з ранняга дзяцінства праявіў цікавасць да жывапісу. У адпаведнасці з пажаданнямі бацькі, Эці на працягу 7 гадоў навучаўся ў гравёра ў Хале. Эці пачаў сваё навучанне, ствараючы накіды пейзажаў, капіюючы розныя выявы, малюнкі друкаваных выданняў і іншае. У 1806 г. па запрашэнні дзядзькі, які падтрымліваў яго імкненне вывучаць жывапіс, прыехаў у Лондан, а ў 1807 г. паступіў у Каралеўскую акадэмію мастацтваў, дзе яго настаўнікам стаў Генрых Фюслі.

Вялікі ўплыў на Уільяма Эці ў тыя гады аказаў мастак Томас Лоўрэнс, у доме якога Эці жыў падчас вучобы ў Лондане.

У 1816 годзе Эці ненадоўга наведаў Парыж і Фларэнцыю. У 1820 г. яго «Шукальнікі каралаў», паказаныя ў Каралеўскай Акадэміі, прыцягнулі вялікую ўвагу. Яшчэ большы поспех быў у карціны «Прыбыццё Клеапатры ў Кілікію», паказанай у наступным годзе.

У 1822 ён адправіўся ў Італію, дзе большую частку часу правёў у Венецыі, вывучаючы старых венецыянскіх майстроў (такіх як Тыцыян, Тынтарэта, Веранезэ).

У 1840 і ў 1841 Эці здзейсніў паломніцтва ў Нідэрланды для вывучэння карцін галандскіх мастакоў, у тым ліку і Рубенса ў цэрквах і грамадскіх галерэях гэтай краіны.

Зноскі

1. William Etty

   <a href='https://wikidata.org/wiki/Track:Q17299517'></a>
2. William Etty — OUP, 2006. — ISBN 978-0-19-977378-7

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q24255573'></a><a href='https://wikidata.org/wiki/Track:Q1547776'></a>
3. Union List of Artist Names — 2019. Праверана 14 красавіка 2019.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>
4. Pas L. v. Genealogics — 2003.

   <a href='https://wikidata.org/wiki/Track:Q19847329'></a><a href='https://wikidata.org/wiki/Track:Q19847326'></a>
5. William Etty RA (1787 - 1849) — 1768.

   <a href='https://wikidata.org/wiki/Track:Q270920'></a><a href='https://wikidata.org/wiki/Track:Q17549804'></a>