Уладзімір Канстанцінавіч Мацяш

Уладзімір Канстанцінавіч Мацяш (нар. 22 лютага 1951, в. Паўлавічы, Бярозаўскі раён, Брэсцкая вобласць) — беларускі архітэктар.

Уладзімір Канстанцінавіч Мацяш
Дата нараджэння	22 лютага 1951(1951-02-22) (74 гады)
Месца нараджэння	Паўлавічы, Малецкі сельсавет, Пружанскі раён, Брэсцкая вобласць, Беларуская ССР, СССР
Грамадзянства	Беларусь
Альма-матар	Брэсцкі інжынерна-будаўнічы інстытут (1976)
Месца працы	Дзяржкамітэт Рэспублікі Беларусь па архітэктуры і будаўніцтве Белдзяржпраект
Член у	Беларускі саюз архітэктараў

У Вікіпедыі ёсць артыкулы пра іншых людзей з прозвішчам Мацяш.

Біяграфія

Скончыў у 1976 годзе Брэсцкі інжынерна-будаўнічы інстытут. У 1976—1978 гадах працаваў архітэктарам аддзела планіроўкі і забудовы сельскіх населеных пунктаў Дзяржбуда БССР; у 1971—2011 гадах архітэктар, старэйшы архітэктар, начальнік групы, галоўны архітэктар праектаў інстытута «Белдзяржпраект»; у 2011—2013 гадах галоўны архітэктар праектаў ТАА «ЮНІР-інвест».

З 1990 па 1997 — народны дэпутат Мінскага гарадскога Савета дэпутатаў. Працаваў у камісіях па горадабудаўніцтве, архітэктуры і будаўнічым комплексе, справах інвалідаў, школьнай адукацыі і выхаванні.

Член Беларускага саюза архітэктараў, тры гады ўзначальваў арганізацыю Саюза архітэктараў «Белдзяржпраекта».

Творчасць

Аўтавакзал у Бабруйску

Рэспубліканскі цэнтр аховы здароўя маці і дзіцяці

Праект інфекцыйнай бальніцы па вул. Адзінцова. Макет

У архітэктурнай дзейнасці спецыялізуецца ў вобласці практычнага праектавання аб’ектаў аховы здароўя, жылых і грамадскіх будынкаў. Асноўныя працы: Рэспубліканскі цэнтр па ахове здароўя маці і дзіцяці (1985, у сааўтарстве з А. Панамаровым), праект інфекцыйнай бальніцы па вул. Адзінцова (у сааўтарстве з А. Панамаровым)^[1] і інш.

Зноскі

1. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)