ФК Маларыта

У паняцця ёсць і іншыя значэнні, гл. Маларыта (значэнні).

«Маларыта» — беларускі футбольны клуб з Маларыты Брэсцкай вобласці. У 2020—2022 гадах выступаў у Другой лізе чэмпіянату Беларусі.

Маларыта
Заснаваны	2020
Горад	Маларыта, Беларусь
Стадыён	Гарадскі стадыён, Маларыта Умяшчальнасць: 2000
2021	7 месца ў Другой лізе

Гісторыя

У лютым 2020 года брэсцкае «Дынама» абвясціла аб стварэнні сваёй даччынай каманды «Дынама-Брэст-1960», якая будзе размяшчацца і гуляць у Маларыце. Склад каманды ўтварылі пераважна колішнія ігракі і дублёры брэсцкіх «Дынама» і «Руха». У дэбютным сезоне клуб вёў барацьбу ў заходняй зоне за выхад у фінальны этап, але саступіў іншым клубам і ў выніку фінішаваў на сёмым месцы ў Другой лізе.

У красавіку 2021 года клуб правёў рэбрэндынг і змяніў назву на «Маларыта». У Другой лізе каманда перамагла ў Брэсцкім дывізіёне, аднак у плэй-оф саступіла ў чвэрцьфінале і заняла выніковае сёмае месца. У студзені 2022 года ў выніку адмовы іншых клубаў «Маларыта» была запрошана ў склад удзельнікаў Першай лігі^[1], аднак у лютым была адхілена ад удзелу ў другім дывізіёне^[2] і засталася ў Другой лізе.

У чэрвені 2022 клуб зняўся з Другой лігі. Усім футбалістам каманды быў нададзены статус свабодных агентаў^[3]. Каманда была выключана з турнірнай табліцы, вынікі матчаў з яе ўдзелам ануляваны.

У ліпені 2022 года старшыня Маларыцкага райвыканкама Міхаіл Бацэнка распавёў, што ў наступным годзе абноўленая каманда плануе вярнуцца ў Другую лігу^[4], аднак у выніку каманды з Маларыты не апынулася сярод удзельнікаў сезона 2023.

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2020	Другая — А (Д3)	4	20	13	2	5	71−29	41
	Матчы за 7 месца	7	2	1	0	1	7–2
2021	Другая — Брэсцкі дывізіён — Захад (Д3)	1	14	12	1	1	83–8	37	1/16 фіналу
	Другая — Брэсцкі дывізіён — Фінальны этап (Д3)	1	6	3	3	0	16–10	12		Выхад у плэй-оф Другой лігі
	Другая — плэй-оф (Д3)	7	7	4	1	2	16–10
2022	Другая — Брэсцкі дывізіён — Захад (Д3)	4	5	3	1	1	20–10	10	1/32 фіналу	Зняты з чэмпіянату[a]

1. Паказчыкі прыведзены на момант выключэння клуба з лігі

Галоўныя трэнеры

• Сяргей Грыб (люты — кастрычнік 2020)
• Андрэй Кіпра (кастрычнік 2020 — люты 2022)
• Дзмітрый Корзун (в. а. у лютым — сакавіку 2022)
• Ігар Пывін (сакавік — красавік 2022)
• Дзмітрый Корзун (в. а. у красавіку — чэрвені 2022)