Фарга (тэлесерыял)

У паняцця ёсць і іншыя значэнні, гл. Фарга.

«Фа́рга» (англ.: Fargo) — амерыканскі тэлесерыял-анталогія ў жанры чорнай трагікамедыі, стваральнікам і аўтарам якога з’яўляецца Ной Хоўлі. Праект натхнёны аднайменным фільмам братоў Коэн 1996 года, якія выступілі выканаўчымі прадзюсарамі серыяла. Прэм’ера адбылася 15 красавіка 2014 года на канале FX^[4].

Фарга
англ.: Fargo
Жанр	псіхалагічны трылер[d], камедыйная драма[d] і крымінальны тэлесерыял[d]
Стваральнік	Ной Хоўлі[d]
Заснавана на	Фарга[1]
У ролях	Білі Боб Торнтан Allison Tolman[d] Colin Hanks[d] Марцін Фрымен Боб Одэнкёрк Adam Goldberg[d] Russell Harvard[d] Oliver Platt[d] Patrick Wilson[d] Тэд Дэнсан Кірстэн Данст Джын Смарт
Кампазітар	Jeff Russo[d]
Краіна	ЗША[2]
Мова	англійская[2]
Колькасць сезонаў	5
Колькасць серый	51 (спіс эпізодаў[d])
Вытворчасць
Выканаўчы прадзюсар	Warren Littlefield[d] і Adam Bernstein[d]
Прадзюсар	Chad Oakes[d]
Месца здымак	Калгары[3], Strathmore[d][3] і High River[d][3]
Трансляцыя
Тэлеканал	FX[d]
На экранах	15 красавіка 2014[2]
Фармат відэа	16:9
Спасылкі
fxnetworks.com/fa… (англ.)
IMDb	ID 2802850

Серыял атрымаў вялікую колькасць узнагарод і намінацый, у асноўным за акцёрскую гульню; у іх ліку сем прэмій «Эмі» (уключаючы прэмію «Найлепшы міні-серыял» за першы сезон) з 70 намінацый, тры прэміі «Залаты глобус» (уключаючы прэмію «Найлепшы міні-серыял або тэлефільм», таксама за першы сезон) з 14 намінацый і восем прэмій «Выбар тэлевізійных крытыкаў» (уключаючы прэмію «Найлепшы фільм/міні-серыял» двойчы за першыя два сезоны) з 22 намінацый.

Сюжэт

Першы сезон

У студзені 2006 года Лорн Малва (Білі Боб Торнтан), злачынец і сацыяпат, праязджае праз правінцыйнае мястэчка Беміджы штата Мінесота. Выпадковая сустрэча ў лякарні з Лестэрам Найгаардам (Марцін Фрымен), няўдачлівым страхавым агентам, трагічна змяняе жыццё апошняга, запускаючы шэраг жорсткіх забойстваў, да расследавання якіх прыступаюць мясцовыя паліцэйскія — Молі Солверсан і Гас Грымлі.

Другі сезон

Гісторыя другога сезона засяроджана вакол падзей, якія адбыліся зімой 1979 года ў Су-Фолс, штат Паўднёвая Дакота, пра які часта згадвалі на працягу першага сезона, а галоўнымі героямі сталі маладыя Лу Солверсан і яго жонка Бэтсі, маці Молі.

Трэці сезон

У 2010 годзе афіцэр прабацыі Сэнт-Клауд Рэй Стасі і яго ўмоўна-датэрмінова вызваленая дзяўчына Нікі Суонга мараць аб лепшым і багацейшым жыцці. Каб дасягнуць гэтага, яны спрабуюць скрасці каштоўную старадаўнюю марку ў больш паспяховага старэйшага брата Рэя, Эміта, самаабвешчанага «Караля парковак Мінесоты».

Чацвёрты сезон

Дзеянне пачынаецца ў Канзас-Сіці (штат Місуры) 50-х гадоў, дзе за лідэрства змагаюцца мафіёзныя групоўкі. Яўрэі варагуюць з ірландцамі, ірландцы з італьянцамі, італьянцы з афраамерыканцамі. І ёсць у гэтым горадзе адна традыцыя: у знак дасягнення згоды і перамір’я паміж кланамі кіраўнікі абменьваюцца сынамі і выхоўваюць іх як сваіх уласных.

Пяты сезон

Сезон разгортваецца ў Мінесоце і Паўночнай Дакоце восенню 2019 года. Да Дораці «Дот» Ліён, тыповай хатняй гаспадыні Сярэдняга Захаду, якая жыве ў Скандыі, Мінесота, вяртаецца таямнічае мінулае, каб пераследваць яе пасля таго, як яна трапляе ў складаную сітуацыю з уладамі.