Паўднёвая Дакота

Паўднёвая Дакота (англ.: South Dakota) — штат на поўначы цэнтральнай часткі ЗША, адзін з так званых штатаў Паўночна-Заходняга Цэнтра. Насельніцтва 755 тыс. чалавек (46-е месца сярод штатаў, даныя 2000 г.). Сталіца — горад Пір, найбуйнейшы горад — Су-Фолс.

Паўднёвая Дакота
англ.: State of South Dakota
Герб Сцяг
Краіна	ЗША[1]
Гімн	Hail, South Dakota![d]
Уваходзіць у	ЗША
Адміністрацыйны цэнтр	Пір
Дата ўтварэння	2 лістапада 1889
Кіраўнік	Larry Rhoden[d]
Насельніцтва	▲886 667 чал. (1 красавіка 2020)[2]
Плошча	199 729 ± 0 км²
Вышыня над узроўнем мора	670 м
Часавы пояс	UTC-6, CDT[d], MDT[d] і America/Chicago[d]
Код ISO 3166-2	US-SD
Афіцыйны сайт (англ.)
Медыяфайлы на Вікісховішчы

Дэвіз: Улада народа па волі Божай. Афіцыйная мянушка: «Штат каётаў».

Геаграфія

Плошча штата 199,9 тыс. км². На поўначы Паўднёвая Дакота мяжуе з Паўночнай Дакотай, на ўсходзе — з Мінесотай і Аявай, на поўдні — з Небраскай, на захадзе — з Ваёмінгам і Мантанай.

Праз тэрыторыю Паўднёвай Дакоты з поўначы на поўдзень цячэ рака Місуры, якая тут утварае каньён глыбінёй да 150 м. На ўсход ад ракі знаходзяцца чарназёмныя прэрыі, на захад — Вялікія раўніны.

Гісторыя

Першымі тэрыторыю сучаснай Паўднёвай Дакоты даследавалі ў XVIII стагоддзі французы. У 1743 годзе гэтая тэрыторыя была абвешчана французскай. Яна ўвайшла ў склад вялікай калоніі Луізіяны. У 1803 годзе Францыя прадала Луізіяну ЗША. Паўднёвая Дакота стала часткай Злучаных Штатаў. Масавае засяленне гэтай тэрыторыі пачалося ў 1870-х гадах, калі ў гарах Блэк-Хілс былі знойдзены запасы золата. У 1889 годзе Паўднёвая Дакота атрымала афіцыйны статут штата ЗША.

Гл. таксама

• Сядзячы Бык