Фасцыяліды

Фасцыялі́ды (Fasciolidae) — сямейства смактуноў, якое ўключае ў сябе паразітаў, вядомых у ветэрынарыі і медыцыне як узбуджальнікі фасцыялёзу  (руск.). На 2003 год вылучаюць пяць родаў. Віды сямейства паразітуюць у печані, жоўцевым пузыры і кішачніку шэрагу млекакормячых, у т.л. чалавека. Іх жыццёвы цыкл уключае прамежкавых гаспадароў  (руск.) — прэснаводных малюскаў^[1].

Фасцыяліды
Фасцыёла пячоначная (Fasciola hepatica)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Platyzoa Тып:  Плоскія чэрві Клас:  Смактуны Падклас:  Дыгенетычныя смактуны Атрад:  Plagiorchiida Падатрад:  Echinostomata Сямейства:  Фасцыяліды
Міжнародная навуковая назва
Fasciolidae
Сістэматыка на Віківідах Выявы на Вікісховішчы ITIS   56129 NCBI   27843 EOL   2931

Апісанне

Дарослыя смактуны даўжынёй ад 2 см для відаў роду Parafasciolopsis да 10 см, як Fasciola gigantica. Звычайна маюць ротавую і брушную прысоскі. Цэркарыі маюць гімнацэфалічную форму^[2].

Кішэчнік з бакавымі адросткамі.

Гермафрадыты. Яечнікі і семяннікі разгалінаваныя. Матка размешчана спераду ад яечніка, полавая адтуліна каля брушной прысоскі.

Развіццё з удзелам прамежкавых гаспадароў  (руск.), прэснаводных слімакоў  (англ.) з сямейства балацянікаў (Lymnaeidae)^[3].

Сістэматыка

Па дадзеных Olson et al. 2003 ^[4] у сямействе вылучаюць пяць родаў:

• Fasciola
  • Fasciola hepatica — Фасцыёла пячоначная
  • Fasciola gigantica
• Fascioloides
  • Fascioloides magna
  • Fascioloides jacksoni
• Fasciolopsis
  • Fasciolopsis buski
• Parafasciolopsis
  • Parafasciolopsis fasciolaemorpha — Парафасцыялопсіс фасцыялеморфа
• Protofasciola
  • Protofasciola robusta