Адміністрацыйны падзел Аўстрыі

Згодна з канстытуцыяй, Аўстрыя з'яўляецца федэратыўнай рэспублікай і складаецца з 9 зямель (ням.: Bundesländer, адз. л. ням.: Bundesland).

Сцяг	Герб	Зямля		Месцы ў Бундэс­раце	Плошча (км²)	Насель­ніцтва	чал. на км²	Сталіца	www
		1	Бургенланд Burgenland	03	03 965 (7)	0297 583 (9)	075 (7)	Айзенштат Eisenstadt
		2	Карынтыя Kärnten	04	09 537 (5)	0564 513 (6)	059 (9)	Клагенфурт Klagenfurt am Wörthersee	Архівавана 19 студзеня 2007.
		3	Ніжняя Аўстрыя Niederösterreich	12	19 180 (1)	1 698 796 (2)	089 (4)	Санкт-Пёльтэн Sankt Pölten
		4	Верхняя Аўстрыя Oberösterreich	10	11 983 (4)	1 505 140 (3)	126 (3)	Лінц Linz
		5	Зальцбург Salzburg	04	07 155 (6)	0560 710 (7)	078 (5)	Зальцбург Salzburg
		6	Штырыя Steiermark	09	16 399 (2)	1 252 922 (4)	076 (6)	Грац Graz
		7	Ціроль Tirol	05	12 648 (3)	0764 102 (5)	060 (8)	Інсбрук Innsbruck
		08	Форарльберг Vorarlberg	03	02 602 (8)	0401 674 (8)	154 (2)	Брэгенц Bregenz
		9	Вена Wien	11	00415 (9)	1 931 593 (1)	4 654 (1)	Вена Wien
		AT	Аўстрыйская Рэспубліка Republik Österreich	61	83 883 (112)	8 978 929 (93)	107	Вена Wien

Федэральныя землі Аўстрыі

Органы ўлады федэральных зямель

Кожная федэральная зямля мае ўласны выбарны заканадаўчы орган — ландтаг (ням.: Landtag), урад (ням.: Landesregierung) і губернатара (ням.: Landeshauptmann). Выбары праводзяцца раз у пяць гадоў (у Верхняй Аўстрыі — раз у шэсць гадоў). Губернатар абіраецца ландтагам.

Федэральныя землі маюць параўнальна невялікія заканадаўчя паўнамоцтвы. Гэта ў асноўным абумоўлена гістарычнымі прычынамі, бо ў перыяд імперыі цэнтральная ўлада была ў асноўным сканцэнтравана ў сталіцы — Вене.

Насельніцтва зямель

Верхняя Аўстрыя, Ніжняя Аўстрыя, Вена і Бургенланд размешчаны ў даліне Дуная, і таму амаль уся іх тэрыторыя прыдатная для земляробства. Астатнія ж пяць зямель займаюць усходнія перадгор'і Альпаў і малапрыдатныя як для сельскай гаспадаркі, так і для цяжкай прамысловасці. Таму насельніцтва на тэрыторыі, займаемай сучаснай Аўстрыяй, з дагістарычных часоў пражывала ў месцах, дзе сёння размешчаны гэтыя чатыры зямлі. Самы густанаселены рэгіён — Вена. Прыгарады Вены размешчаны ў Ніжняй Аўстрыі. Нягледзячы на гэта, шчыльнасць насельніцтва ў гэтай зямлі невысокая, бо вялікія плошчы занятыя пад сельскую гаспадарку. Найменшая шчыльнасць насельніцтва — у высакагорным Ціролі, геаграфічна ізаляванай Карынтыяй і аграрным Бургенландам.

Гістарычнае развіццё

Рэспубліка Аўстрыя была створана пасля Першай сусветнай вайны на руінах шматнацыянальнай Аўстра-Венгерскай імперыі з 9 нямецкамоўных земляў, якія атрымалі сваё тэрытарыяльнае афармленне яшчэ ў Сярэднія стагоддзі, адасобіўшыся ад нямецкіх княстваў.

Зальцбург да 1803 года быў незалежным княствам пад кіраваннем Зальцбургцкага архібіскупа ў складзе Свяшчэннай Рымскай імперыі.

Верхняя і Ніжняя Аўстрыя ў мінулым уяўлялі сабой дзве паўсамастойныя часткі Аўстрыйскага эрцгерцагства — княства, якое з'яўлялася гістарычным сэрцам Аўстра-Венгерскай імперыі і якому пасля Першай сусветнай вайны прыйшлося развітацца са значнымі тэрыторыямі ў карысць Чэхаславакіі.

Гістарычны папярэднік Карынтыі — герцагства Карынтыя; Штырыі — герцагства Штырыя, Ціролі — графства Ціроль; частка тэрыторыі гэтых гістарычных правінцый пры правядзенні межаў дзяржавы Аўстрыя была перададзена суседзям — Італіі і Югаславіі.