Фрыц Мацвеевіч Кюсэ

Фрыц Мацве́евіч Кюсэ́ (па іншых дадзеных ^[1] — Франц) (1888, Курляндская губерня, Расійская імперыя — 1937) — беларускі партыйны і дзяржаўны дзеяч, старшыня Мінскага гарадскога выканаўчага камітэта (са снежня 1920 па снежань 1921 года).

Фрыц Мацвеевіч Кюсэ
Старшыня Мінскага гарадскога выканаўчага камітэта снежань 1920 — снежань 1921
Кіраўнік урада	Аляксандр Чарвякоў
Папярэднік	Казімір Цыхоўскі
Пераемнік	Адольф Гетнер
Нараджэнне	1888 Курляндская губерня, Расійская імперыя
Смерць	1937
Партыя	ВКП(б)

Біяграфія

Пасля Лютаўскай рэвалюцыі 1917 года абраны членам палкавога салдацкага камітэта.

З мая 1917 года член Мінскага Савета рабочых і салдацкіх дэпутатаў, падтрымліваў сувязь з яго бальшавіцкай фракцыяй.

У 1919—1920 гадах быў камісарам камунальнай гаспадаркі Смаленска.

У ліпені 1920 года вярнуўся ў Мінск, быў членам праўлення саюза работнікаў камунальнай гаспадаркі БССР.

Са снежня 1920 па снежань 1921 года займаў пасаду старшыні Мінскага гарадскога савета.

Член ЦБ КП(б)Б і ЦВК БССР у 1920—1921 гадах.

Зноскі

1. Энцыклапедыя гісторыі Беларусі. У 6 т. Т. 4, стар. 323