Фёдар Мікалаевіч Харытановіч

Фёдар Мікалаевіч Харытано́віч^[1] (19 верасня 1905, в. Нача, Крупскі раён, Мінская вобласць  — 13 верасня 1985) — вучоны ў галіне лесаводства і меліярацыі, доктар сельскагаспадарчых навук (1954), прафесар (1954).

Фёдар Мікалаевіч Харытановіч
Дата нараджэння	19 верасня 1905(1905-09-19)
Месца нараджэння	Нача, Барысаўскі павет, Мінская губерня, Расійская імперыя
Дата смерці	13 верасня 1985(1985-09-13) (79 гадоў)
Грамадзянства	Беларуская ССР
Род дзейнасці	forestry worker, меліярацыя, ляснік, forestry worker
Месца працы	Усерасійскі навукова-даследчы інстытут лесаводства і механізацыі лясной гаспадаркі[d] Гомельскі дзяржаўны ўніверсітэт імя Францыска Скарыны Інстытут лесу НАНБ
Навуковая ступень	доктар сельскагаспадарчых навук
Навуковае званне	прафесар
Альма-матар	Харкаўскі нацыянальны аграрны ўніверсітэт імя В. В. Дакучаева

У Вікіпедыі ёсць артыкулы пра іншых людзей з прозвішчам Харытановіч.

Біяграфія

Нарадзіўся ў вёсцы Нача (сучасны аграгарадок у Крупскім раёне Мінскай вобласці Беларусі). У 1926 годзе скончыў Харкаўскі сельскагаспадарчы інстытут. У 1937—1941 гг. займаў пасаду дырэктара Украінскага навукова-даследчага інстытута агралесамеліярацыі ў Харкаве. З 1948 года працаваў ва Усесаюзным навукова-даследчым інстытуце лесаводства і механізацыі сельскай гаспадаркі. Працаваў у Гомельскім дзяржаўным універсітэце, займаў пасады загадчыка кафедрай фізіялогіі раслін (з 1969 года), кафедрай батанікі і фізіялогіі раслін (з 1975 года). У 1959—1964 гг. на пасадзе дырэктара Беларускага навукова-даследчага інстытута лясной гаспадаркі (Інстытут лесу НАН Беларусі)^[2].

Навуковая і грамадская дзейнасць

Аўтар навуковых прац па біялогіі, экалагічных асаблівасцях дрэвавых і кустовых парод, заканамернасцях іх росту, развіцця і ўзнаўлення. Ганаровы член Беларускага батанічнага таварыства з 1973 года^[1].

Сярод апублікаваных прац:

• Древесные и кустарниковые породы для создания защитных лесных полос / Ф. Н. Харитонович, канд. с.-х. наук. — Москва; Ленинград: Гослесбумиздат, 1949 (М.: тип. Углетехиздата). — 112 с.; 22 см.
• Бересклет европейский и агротехника его выращивания / Проф. Ф. Н. Харитонович. — Москва; Ленинград: Гослесбумиздат, 1956. — 110 с.: ил.; 22 см.
• Биология и экология древесных пород / Ф. Н. Харитонович, д-р с.-х. наук. — Москва: Лесная пром-сть, 1968. — 304 с.: ил.; 22 см.
• Биология и экология лиственных кустарников. — Минск, 1975.